قىزىلوردا وبلىسىندا جۇرگىزىلگەن قارقىندى جۇمىستارعا بايلانىستى تۋبەركۋلەز بويىنشا ەپيدەميولوگيالىق جاعداي تۇراقتى بولىپ قالۋدا. بۇل تۋرالى قىزىلوردا وبلىسىنىڭ دەنساۋلىق ساقتاۋ باسقارماسىنىڭ باسشىسى اقمارال ءالنازاروۆا حابارلادى.
- تۋبەركۋلەزبەن اۋرۋشاڭدىق كورسەتكىشى 2015 جىلدىڭ 10 ايىمەن سالىستىرعاندا 6,7%-عا, (2015 جىلى – 62,3, 2016 جىلى – 58,1, ماقساتتى ينديكاتور -70,6, قر -54,2), ءولىم-ءجىتىم كورسەتكىشى 16,7%-عا (2015-3,6; 2016-3,0; ماقساتتى ينديكاتور – 4,0; قر – 3,2) تومەندەدى. العاش رەت انىقتالعان سەزگىش تۋبەركۋلەزبەن اۋىراتىنداردى ەمدەپ شىعارۋ كورسەتكىشى 86,7%-دى (ددۇ بويىنشا 85% تومەن بولماۋ كەرەك, نىسانالى كورسەتكىش 85%, قر 87,0) قۇرادى. تۋبەركۋلەز وشاعىنداعى بارلىق بالالار ۋاقىتىلى تەكسەرىلىپ, ديسپانسەرلىك ەسەپكە الىنعان,- دەدى اقمارال ءالنازاروۆا.
وشاقتاعى مەكتەپ جاسىنا دەيىنگى بالالاردىڭ بارلىعى 100% پايىز وقشاۋلانعان. تۋبەركۋلەزگە شالدىققان ناۋقاستاردىڭ الەۋمەتتىك جاعدايىنىڭ ەم ناتيجەسىنە ىقپالى زور. قازىرگى تاڭدا امبۋلاتوريالىق دەڭگەيدە ەم الاتىن ناۋقاستارعا بەرىلەتىن رەسپۋبليكا بويىنشا ەڭ جوعارى الەۋمەتتىك كومەك قىزىلوردا وبلىسىندا. وسى ماقساتتا جەرگىلىكتى بيۋدجەتتەن 133,1 ملن. تەڭگە قارجى ءبولىندى.