استانانىڭ «جەدەل جاردەم» قىزمەتىنە جىلىنا 3 مىڭنان استام شاقىرتۋ كەلەدى. جرۆي-مەن ء(جىتى رەسپيراتورلى ۆيرۋستى ينفەكتسيا) اۋىراتىندار سانى تولاستاماي وتىر, دەپ حابارلادى قازاقپارات.
استانا قالاسىنىڭ دەنساۋلىق ساقتاۋ باسقارماسىنىڭ 23 جەلتوقسانداعى مالىمەتتەرى بويىنشا, «جەدەل جاردەم» قىزمەتىنە جۇگىنگەن 3220 ادامنىڭ 742-ءسى جرۆي-گە شالدىققاندارىن ايتقان.
«23 جەلتوقسانداعى جاعداي بويىنشا, «جەدەل جاردەم» قىزمەتىنە 3320 ادام قايىرىلعان, 1959 رەت شاقىرتۋ جولداعان. جرۆي سانى - 742, ولاردىڭ اراسىندا: 1 جاسقا دەيىنگى بالالار - 112, اۋرۋحاناعا جاتقىزىلعانى - 8, 18 جاسقا دەيىنگىلەر - 428, اۋرۋحاناعا جاتقىزىلعاندارى - 18, ەرەسەكتەر - 202, اۋرۋحاناعا جاتقىزىلعاندارى -20»,-دەپ حابارلادى قالالىق دەنساۋلىق ساقتاۋ باسقارماسى.
ايتا كەتەيىك, وتكەن اپتادا تۇماۋ جۇقتىرعاندار سانىنىڭ شارىقتاۋ شەگى 19-20 جەلتوقسانعا كەلدى. ول كەزدە «جەدەل جاردەم» قىزمەتىنە جۇگىنگەندەر سانى 800-دەن استى. مەديتسينا قىزمەتكەرلەرىنە قالا ەمحانالارىنان قوسىمشا ماماندار تارتىلىپ, كۇشەيتىلگەن رەجىمدە جۇمىس ىستەدى.