پرەمەر-ءمينيستردىڭ ورىنباسارى - قر اۋىل شارۋاشىلىعى ءمينيسترى اسقار مىرزاحمەتوۆتىڭ بۇيرىعىمەن ەرجان اينابەكوۆ قر اشم اگروونەركاسىپتىك كەشەنىندەگى مەملەكەتتىك ينسپەكتسيا كوميتەتىنىڭ توراعاسى بولىپ تاعايىندالدى, دەپ حابارلايدى primeminister.kz.
ە. اينابەكوۆ - اۋىل شارۋاشىلىعى عىلىمدارىنىڭ كانديداتى, عالىم اگرونوم. قر اشم قۇرىلىمىنداعى ەڭبەك قىزمەتىن 1999 جىلى مينيسترلىكتىڭ اۋماقتىق باسقارماسىنان باستادى.
2001-2006 جىلدارى سولتۇستىك قازاقستان وبلىسىندا مينيسترلىكتىڭ اۋماقتىق باسقارماسىنا باسشىلىق ەتتى. كەيىن م. جۇماباەۆ اتىنداعى اۋداندى, سودان سوڭ سقو-نىڭ ايىرتاۋ اۋدانىن باسقاردى.
2010 جىلدان باستاپ مينيسترلىك قۇرىلىمىنا قايتا ورالىپ, اوك-تەگى ميك-ءتىڭ سولتۇستىك قازاقستان اۋماقتىق ينسپەكتسياسىنا جەتەكشىلىك ەتتى.
2013 جىلدان باستاپ قر اشم اوك-تەگى ميك-ءتىڭ «رەسپۋبليكالىق فيتوسانيتارلىق دياگنوستيكا جانە بولجامدار ادىستەمەلىك ورتالىعى» مم باسشىسى بولىپ قىزمەت ىستەدى.
ە. اينابەكوۆ مەرەيتويلىق مەدالدارمەن جانە ءى, ءىى, ءىىى دارەجەلى «ەڭبەك داڭقى» توسبەلگىلەرىمەن ماراپاتتالعان.