«قازپوچتا» اق قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنايى شىعارىلعان «ماڭگىلىك ەل» ماركاسىنىڭ پوشتالىق اينالىمعا ەنگىزىلگەنىن حابارلايدى.
ماركانىڭ باسىلىمى ءتورت بوياۋلى, وفسەتتى باسپا, پەرفوراتسياسى جوتالى. شىعارىلىم ءتۇرى – 20 ماركادان تۇراتىن ماركالى پاراق. پاراقتىق ولشەمى 168 ح 200 مم, ءاربىر ماركانىڭ ولشەمى 28 ح 40 مم., پوشتالىق ماركانىڭ بەلگىلەنگەن باعاسى 100 تەڭگە. تارالىمى 7500 دانا. ۋف – بوياۋلى قورعانىسى بار ەلەمەنتتەر قولدانعان. پوشتالىق ماركا «قازاقستان رەسپۋبليكاسى ۇلتتىق بانكىنىڭ بانكنوت فابريكاسى» رەسپۋبليكالىق مەملەكەتتىك كاسىپورنىندا باسىپ شىعارىلدى.