اعىمداعى جىلدىڭ العاشقى 11 ايى اۋا رايى مەن كليماتتى باقىلاۋ تاريحىنداعى ەڭ جىلى ۋاقىت بولدى. جەلتوقسان ايى دا وزگەرىسسىز قالسا, 2016 جىل ەڭ جوعارى تەمپەراتۋرادان رەكوردتىق كورسەتكىش بولدى. بۇل تۋرالى 20 جەلتوقساندا بۇكىلالەمدىك مەتەورولوگيالىق ۇيىمىنىڭ (بمۇ) جەنەۆاداعى شتاب پاتەرى حابارلادى, دەيدى قازاقپارات. ولار 2017 جىلدىڭ باسىندا 12 ايدىڭ قورىتىندىسىن جاريالاۋعا ۋادە بەرىپ وتىر.
جەردەگى تەرمومەتر باعانالارى قاڭتار-قاراشا ايلارىندا حح عاسىرمەن سالىستىرعاندا ورتا كورسەتكىشتەن 0,94 گرادۋس تسەلسياعا وسكەن جانە 2015 جىلداعى رەكوردتىق كورسەتكىشتەن 0,07 گرادۋسقا كوتەرىلدى. ساراپشىلاردىڭ پىكىرىنشە, جىلى قاراشا ايى «1880 جىلدان بەرگى باقىلاۋ كورسەتكىشىندەگى ەڭ جىلى جىل بولادى» دەگەن بۇرىنعى بولجامدى دالەلدەدى. ايتا كەتكەن ءجون, اركتيكادا دا بيىلعى جىلى اسا وزگەشە بولدى: ونداعى تەمپەراتۋرا جەرمەن سالىستىرعاندا ەكى ەسە جىلدام كوتەرىلۋدە.