برازيليانىڭ «شاپەكوەنسە» كومانداسىنىڭ اپاتقا ۇشىراۋىنا LaMia اۋە كومپانياسى مەن ۇشقىش كىنالى دەپ تانىلدى. بۇل تۋرالى بوليۆيانىڭ قوعامدىق ىستەر ءمينيسترى ميلتون كلارەس مالىمدەدى, دەپ حابارلادى vesti.kz.
اپاتقا ۇشىراعان اۋە كولىگىنە ليتسەنزيا بەرگەنى ءۇشىن بوليۆيانىڭ بۇرىنعى اۆيا رەتتەۋىشى گۋستاۆو ۆارگاس ۆيلەگاس, سونداي-اق ونىڭ اكەسى ءارى كومپانيا باسشىسى گۋستاۆو ۆارگاس گامبوا قاماۋعا الىندى. كۇدىكتىلەر تاعىلعان ايىپتى مويىندامادى.
ايتا كەتەيىك, 29 قاراشا كۇنى كولۋمبيانىڭ مەدەلين قالاسىنا جاقىن جەردە برازيليالىق كوماندا مىنگەن ۇشاق اپاتقا ۇشىرادى. سالدارىنان 77 جولاۋشىنىڭ التاۋى عانا امان قالدى. ونىڭ ۇشەۋى «شاپەكوەنسە» ويىنشىلارى: الان رۋشەل, دجەكسون فولمان جانە حەليو سامپەر نەتو.