يتاليا ۇكىمەتى بانكتەردى قۇتقارۋعا كىرىستى

يتاليا ۇكىمەتى بانك سەكتورىن قۇتقارۋ ءۇشىن مەملەكەت قارىزىن 20 ميلليارد ەۋروعا ۇلعايتۋعا شەشىم قابىلدادى, دەپ جازادى حابار24. وسىعان قاتىستى ۇسىنىستى بيلىك پارلامەنتتىڭ قاراۋىنا جىبەردى. قارجى ءمينيسترى پەر كارلو پادواننىڭ ايتۋىنشا, بۇل – ۋاقىتشا شارا. ماقسات – Monte dei Paschi di Siena سياقتى قۇردىمعا كەتكەلى تۇرعان بىرنەشە بانكتى قۇتقارىپ قالۋ. ال اتالعان بانك ازىرگە ءوز كاپيتالىن جەكە ينۆەستورلاردىڭ ەسەبىنەن 5 ميلليارد ەۋروعا دەيىن كوبەيتپەك. ەگەر بۇل ارەكەتتەن ناتيجە شىقپاسا, ۇكىمەت بانككە قول ءۇشىن بەرۋگە دايىن. اقپارات قۇرالدارىنىڭ حابارلاۋىنشا, 2009 جىلى Monte dei Paschi ينۆەستورلار مەن مەملەكەت تاراپىنان 12 ميلليارد ەۋرو كومەك العان.