تۇركىمەنستان شەكارادا قاۋىپسىزدىك شارالارىن كۇشەيتتى. كورشى ەل بيلىگى شەتەلدىك ازاماتتار ءۇشىن ەلگە كەلۋدىڭ جەڭىلدەتىلگەن ەرەجەسىن ۋاقىتشا توقتاتتى, دەپ حابارلايدى Tumba.kz.
«ماڭعىستاۋ وبلىسىندا تۇراقتى مەكەندەيتىن ءبىزدىڭ ەلدىڭ ازاماتتارى تۇركىمەنستان اۋماعىنا بەس تاۋلىككە دەيىن ۆيزاسىز كىرىپ-شىعا الادى. قازاقستان ازاماتتارىنىڭ تۇرعىلىقتى ورنى جەكە كۋالىگىندە كورسەتىلگەن دەرەك نەگىزىندە بەلگىلەنەدى. قازاقستانمەن ۆيزاسىز رەجيمنىڭ قانشا ۋاقىتقا توقتاتىلعانى ازىرشە بەلگىسىز. قازىرگى تاڭدا تۇركىمەنستان تاراپىنان رەسمي مالىمدەمە جاسالعان جوق», – دەپ ءمالىم ەتتى ماڭعىستاۋ وبلىستىق مەملەكەتتىك كىرىس دەپارتامەنتىنىڭ باس مامانى ماقسات اقمۇراتوۆ.
تۇركىمەنستان زاڭى بويىنشا, قازاقستاندىقتار وسى ەل اۋماعىندا 5 كۇننەن ارتىق ايالداۋدى قالايتىن بولسا وندا ۆيزا الۋعا ءتيىس. جەڭىلدەتىلگەن ەرەجەنى پايدالاناتىن قر ازاماتتارى تۇركىمەنستان اۋماعىنا وتكىزۋ پۋنكتەرى ارقىلى كىرىپ-شىعا الادى. قازىرگى تاڭدا قازاقستان-تۇركىمەنستان شەكاراسىندا «تەمىر بارا» اۆتوموبيلدەردى وتكىزۋ پۋنكتى بار. وندا كەدەن بەكەتى, سونداي-اق تەمىر جول بەكەتى ورنالاسقان.