ەلوردادا ەلباسى نۇرسۇلتان نازارباەۆتىڭ قاتىسۋمەن قازاقستان تاۋەلسىزدىگىنىڭ 25 جىلدىق مەرەيتويىنا ارنالعان سالتاناتتى جيىن ءوتىپ جاتىر.
الدىمەن شارا ءوتىپ جاتقان تاۋەلسىزدىك سارايىنا ەلىمىزدىڭ مەملەكەتتىك رامىزدەرى ەنگىزىلىپ, ءانۇرانىمىز ورىندالدى. وسىدان كەيىن قر پارلامەنتى سەناتىنىڭ توراعاسى قاسىم-جومارت توقاەۆ ءسوز سويلەپ, بۇگىنگى سالتاناتتى جيىنعا مەملكەتتىمىزدىڭ دامۋىنا, تاۋەلسىزدىمىزدىڭ نىعايۋىنا زور ۇلەس قوسقان ەلەۋلى ازاماتتار ەلىمىزدىڭ تۇپكىر-تۇپكىرىنەن كەلىپ وتىرعاندىعىن اتاپ ءوتتى.
«قازاقستانىڭ تاۋەلسىزدىگى مەن ەلباسىنىڭ ەسىمى ەگىز ۇعىم. سوندىقتان ءبىز ءبارىمىز تاۋەلسىز مەملەكەتتىڭ اتىنان وسى ەڭ قاستەرلى مەرەكەگە وراي قازاقستان رەسپۋبليكاسىنىڭ نەگىزىن قالاۋشى, بۇكىل الەم كورەگەن ساياساتكەر, ۇلى مەملەكەت قايراتكەرى رەتىندە مويىنداپ وتىرعان ەلباسى نۇرسۇلتان نازارباەۆتى شىن جۇرەكتەن قۇتتىقتاپ, كەمەڭگەرلىك قىزمەتىنە زور ريزاشىلىعىمىزدى ءبىلدىرىپ, زور راحمەت ايتامىز», - دەدى سەنات سپيكەرى.
شاراعا سونىمەن قاتار دەپۋتاتتار, قوعام قايراتكەرلەرى, سپورتشىلار مەن ونەر مايتالماندارى قاتىسۋدا.