تاۋەلسىزدىك جىلدارى ءبىر قالانىڭ تۇرعىندارى كوشىپ كەتىپ وتىردى. بۇل تۋرالى بۇگىن ەلوردادا ءوتىپ جاتقان ەل تاۋەلسىزدىگىنىڭ 25 جىلدىق مەرەيتويىنا ارنالعان سالتاناتتى جيىندا ەلباسى نۇرسۇلتان نازارباەۆ وسىلاي ايتتى.
«1991 جىلدان باستاپ ەلىمىزدەن ءتۇرلى سەبەپتەرمەن شامامەن 3,6 ملن ادام كوشىپ كەتتى. شىن مانىندە, جىل سايىن بىزدەن 1 قالانىڭ تۇرعىنى كەتىپ وتىردى جانە وسى جىلدارى ەل حالقىنىڭ سانى 17,5 ميلليوننان 14 ميلليون ادامعا دەيىن قىسقاردى. بۇل ءبىزدىڭ ەكونوميكامىزعا قوسىمشا اۋىر سوققى بولعان ەدى. الەمگە ءبىز قىزىقتى ەمەس ەدىك. قاجەتىمىز بولعان جوق. بۇگىن مۇنىڭ بارلىعى دا نەبارى 25 جىل بۇرىن بولعانىن ويلاپ كورۋدىڭ ءوزى قيىنعا سوعادى. ءبىز ءبارىمىز بىرگە بارلىق قيىندىقتاردان ءوتىپ, مىقتى بولا تۇستىك», - دەپ اتاپ ءوتتى ەلباسى.