مەكسيكالىق ساۋل «كانەلو» الۆارەستىڭ (48-1-1, 34 كو) پروموۋتەرى وسكار دە لا حويا 2017 جىلى قازاقستاندىق گەننادي گولوۆكينمەن (36-0, 33 كو) مىندەتتى تۇردە جەكپە-جەك ۇيىمداستىراتىنىن مالىمدەدى. بۇل تۋرالى vesti.kz حابارلادى.
«الۆارەس 160 فۋنتقا دەيىن سالماعىن كوتەرىپ, گولوۆكينمەن جۇدىرىقتاسادى. ول GGG-دان جاسقانادى دەپ ايتا المايمىن. بۇل ايقاس كەلەسى جىلى وتەتىنىنە كەپىلدىك رەتىندە پروموۋتەرلىك ليتسەنزيامدى قويۋعا دايىنمىن», – دەپ ESPN تەلەارناسىنا سۇحبات بەردى.
ايتا كەتەيىك, قوس بوكسشىنىڭ اراسىنداعى كەزدەسۋ بيىل ءوتۋى ءتيىس بولاتىن. الايدا, مەكسيكالىق ورتا سالماقتاعى ءوزىنىڭ WBC تيتۋلىن جەكپە-جەكسىز گولوۆكينگە بەردى. بۇعان قاراماستان ەكى تاراپ ءالى دە بولسىن بۇل ايقاستىڭ ورىن الاتىنىن حابارلاپ تۇرادى. الدىن الا بولجام بويىنشا 2017 جىلدىڭ قىركۇيەك ايىندا ءوتۋى مۇمكىن.