اقش فەدەرالدى قور جۇيەسىنىڭ اشىق نارىعىنداعى وپەراتسيا كوميتەتى 2015 جىلدىڭ جەلتوقسان ايىنان بەرى العاش رەت بازالىق ۇستەمەنى كوتەردى. ەندى فەدەرالدى قوردىڭ بازالىق پايىزدىق ۇستەمەسى 0,5-0,75 پايىز اراسىندا بولادى.
بۇل بازالىق ۇستەمەنىڭ سوڭعى ون جىل ىشىندەگى ەكىنشى رەت كوبەيتىلۋى.
بازالىق ۇستەمەنى كوتەرۋدە اتالعان ورگان ەلدەگى ينفلياتسيا دەڭگەيى مەن الەمدىك نارىققا تالداۋ جاسايدى. فەدەرالدى قوردىڭ مالىمىتەنشە, جۇمىسسىزدىق اقش ەلىندە تومەندەپ كەلە جاتىر. سونىمەن قاتار ساراپشىلار ازاماتتاردىڭ جۇمسايتىن اقشاسىنىڭ دا كوبەيگەنىن ايتادى.
اقش دوللارىنىڭ ينفلياتسياسى ازىرگە 2 پايىزدان تومەن ساقتالىپ وتىر. الايدا الداعى ۋاقىتتا بۇل كورسەتكىش 1 پايىزعا دەيىن تۇسەدى دەگەن بولجام بار.
فەدەرالدى قوردىڭ وسى شەشىمىنەن كەيىن اقش دوللارىنىڭ وزىندىك قۇنى كوتەرىلدى. ناتيجەسىندە مۇناي باعاسىنىڭ سالىستىرمالى تۇردە ارزانداۋى مۇمكىن دەگەن بولجام بار.