رەسەي پرەزيدەنتى ۆلاديمير پۋتين امەريكالىق Forbes جۋرنالى جاساعان جىلسايىنعى رەيتينگتە وسىمەن ءتورتىنشى رەت الەمدەگى ەڭ ىقپالدى ساياساتكەرلەردىڭ كوشىن باستادى. بيىل ەكىنشى ورىندا – اقش-تىڭ سايلانعان پرەزيدەنتى دونالد ترامپ, ال ءۇشىنشى ورىندا – گەرمانيانىڭ فەدەرالدىق كانتسلەرى انگەلا مەركەل تۇر, دەپ جازادى DW.
باسىلىم جازعانداي, «رەسەي پرەزيدەنتى جەر شارىنىڭ تۇگەلگە دەرلىك ەلىنە ءوز ىقپالىنا كورسەتە ءبىلدى», سونىمەن بىرگە «رەسەيدەن باستاپ سيرياعا دەيىن, ءتىپتى اقش-تاعى سايلاۋدا دا پۋتين ءوز قالاۋىن ورىندادى». رەسەيدىڭ 64 جاستاعى باسشىسى «جاھاندىق كونۆەنتسيالار ەرەجەلەرىمەن شەكتەلىپ قالمايدى, ونىڭ ىقپالى سوڭعى جىلدارى ارتى ءتۇستى», دەلىنگەن باسىلىمدا.
رەيتينگتە ەكىنشى ورىندى يەلەنگەن دونالد ترامپ تۋرالى باسىلىم بىلاي دەيدى: «داۋ-جانجالعا بەيىم, كونگرەستىڭ قوس پالاتاسىنداعىلاردىڭ باسىم كوپشىلىگى ونى جاقتايدى, ال ونىڭ جەكە كاپيتالى ميللياردتاپ ەسەپتەلەدى». ىقپالدى ساياساتكەرلەردىڭ 2015 جىلعى رەيتينگىندە دونالد ترامپ 72 ورىندا بولعان.
ال 2016 جىلدىڭ رەيتينگىندە ەۋروپاداعى ءىرى ەكونوميكانى ون ءبىر جىلدان بەرى باسقارىپ كەلە جاتقان جانە 2017 جىلى وتەتىن سايلاۋدا گفر ۇكىمەت باسشىسى تاعىنا ءوز كانديداتۋراسىن تاعى ۇسىنۋدى قۇپ كورگەن گفر كانتسلەرى انگەلا مەركەل ءۇشىنشى ورىننان كورىندى. باسىلىم ماۋسىم ايىندا انگەلا مەركەلدى الەمدەگى ەڭ ىقپالدى ايەل دەپ اتاعان بولاتىن.