ءبىرىنشى نىسان «حولوند گرين تەك» جشس-نىڭ جىلىجايلارعا ارنالعان مەتالل قۇرىلىمدارىن شىعاراتىن زاۋىتى ەلتاي اۋىلدىق وكرۋگىندەگى كوكوزەك اۋىلىندا اشىلدى. تارتىلعان ينۆەستيتسيا كولەمى – 2,1 ملرد تەڭگە, 30 جۇمىس ورنى قۇرىلعان. كۇنىنە 8 توننا كاركاس شىعارا الادى. وندىرىستە گوللانديالىق تەحنولوگيا قولدانىلادى.
زاۋىت ديرەكتورى س.بيسەمباەۆتىڭ ايتۋىنشا, كومپانيانىڭ نەگىزگى قىزمەتى – ينجەنەرلىك جانە تەحنيكالىق قۇرال-جابدىقتار جەتكىزۋ, وندىرىستىك جىلىجاي كەشەندەرى ءۇشىن كونسترۋكتسيالار شىعارىپ, قۇراستىرۋ, جىلىجاي كەشەندەرىن تولىعىمەن ورناتۋ, سول سياقتى جىلىجاي شارۋاشىلىقتارىنىڭ جۇمىسىنا اگرونوميالىق قولداۋ كورسەتۋ.
ىسكە قوسىلعان ەكىنشى نىسان جارمۇحانبەت اۋىلىندا ورنالاسقان. «الماتى شىنى» جشس-نىڭ بۇل زاۋىتى شىنى ىدىستارىن شىعارادى جانە دەكوراتسيالايدى. ينۆەستيتسيا كولەمى – 12,2 ملرد تەڭگە, 400 جۇمىس ورنى قۇرىلعان.
كاسىپورىن شىنى ىدىستارىن شىعاراتىن جوعارى ونىمدىلىكتى قۇرال-جابدىقتارى بار جاڭا تەحنولوگيامەن قامتاماسىز ەتىلگەن. ءوندىرىس پروتسەسىنىڭ سوڭعى كەزەڭىندە ءونىم قاپتالادى, بۇل ءوز كەزەگىندە ءوندىرىس ءونىمىنىڭ ساپالى ساقتالۋى مەن تاسىمالدانۋىنا مۇمكىندىك بەرەدى.
زاۋىت بازاسىندا جۇمىسشىلار ءۇشىن 2 جاتاقحانا سالىنىپ, ولاردى ءۇش ۋاقىت تەگىن تاماقتاندىراتىن اسحانا جۇمىس ىستەيتىن بولادى.