پارلامەنت سەناتىندا قازاقستان رەسپۋبليكاسى تاۋەلسىزدىگىنە 25 جىل تولۋىنا ارنالعان سالتاناتتى جينالىس بولدى, دەپ حابارلادى پارلامەنت سەناتىنىڭ ءباسپاسوز قىزمەتى.
پالاتا توراعاسى قاسىم-جومارت توقاەۆ ءوز سوزىندە پرەزيدەنت نۇرسۇلتان نازارباەۆتىڭ پاراساتتى, كورەگەن باسشىلىعىمەن تاۋەلسىز مەملەكەتىمىزدىڭ بەرىك نەگىزى قالىپتاسقانىن جانە ونىڭ بۇكىل الەم مويىنداعان تاريحي دەرەك ەكەنىن اتاپ ءوتتى. «قىسقا مەرزىم ىشىندە قازاقستان الەم قاۋىمداستىعى قۇرمەتتەيتىن ابىرويلى مەملەكەت دەڭگەيىنە كوتەرىلدى. بۇگىندە ادامزاتتى الاڭداتقان ەڭ وزەكتى ماسەلەلەر بويىنشا قازاقستاننىڭ ۇستانىمى دۇنيە ءجۇزىنىڭ تۇكپىر-تۇكپىرىنە بەلگىلى. قازاقستان بىرلىگى جاراسقان ۇلتتار مەن ۇلىستاردىڭ بەيبىتومىر ءسۇرىپ جاتقان كيەلى شاڭىراعىنا اينالدى», – دەدى توراعا.
ق.توقاەۆ دۇنيە جۇزىندەگى ەڭ دامىعان ەلدەردىڭ قاتارىنا ەنۋ تۋرالى پرەزيدەنتتىڭ ۇزاق مەرزىمدى ستراتەگياسىن جۇزەگە اسىرۋدا, ەلىمىزدىڭ ەگەمەندىگى مەن مەملەكەتىمىزدىڭ قارقىندى دامۋىن زاڭنامالىق جاعىنان قامتاماسىز ەتۋدە پارلامەنتتىڭ ءرولى ايرىقشا ەكەنىنە توقتالدى. ول قازاقستاننىڭ يگىلىگى جولىنداعى ەرەن ەڭبەكتەرى ءۇشىن دەپۋتاتتارعا ريزاشىلىعىن ءبىلدىردى.
توراعا مەملەكەت باسشىسىنىڭ اتىنان بەلسەندى مەملەكەتتىك جانە قوعامدىق قىزمەتى, ەلدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن ءبىر توپ سەنات دەپۋتاتتارىنا مەملەكەتتىك ماراپاتتاردى تابىس ەتتى. اتاپ ايتقاندا, بەكتاس بەكنازاروۆ, يكرام ادىربەكوۆ جانە قايرات يششانوۆ III دارەجەلى «بارىس» وردەنىمەن, دۋلات قۇسداۋلەتوۆ پەن ەربولات مۇقاەۆ «پاراسات» وردەنىمەن, اسقار بەيسەنباەۆ پەن ليۋدميلا پولتوراباتكو II دارەجەلى «دوستىق» وردەنىمەن, ولگا پەرەپەچينا «قۇرمەت» وردەنىمەن ماراپاتتالدى.
سەناتورلارعا «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەيتويلىق مەدالى تابىس ەتىلدى.
دەپۋتاتتار بەكتاس بەكنازاروۆ, سەرىك ءبىلالوۆ, جابال ەرعاليەۆ, سەرگەي ەرشوۆ جانە اڭسار مۇساحانوۆ تمد پارلامەنتارالىق اسسامبلەياسىنىڭ «پارلامەنتتىك ىنتىماقتاستىقتى نىعايتقانى ءۇشىن» مەدالىنە, راشيت اكىموۆ, مۇرات باقتيار ۇلى, سەرىك جاقسىبەكوۆ, ءلاززات قيىنوۆ, ماناپ كوبەنوۆ, تولەۋبەك مۇقانوۆ جانە مارات تاعىموۆ تمد پاا قۇرمەت گراموتاسىنا يە بولدى. سەناتورلار راشيت احمەتوۆ پەن اقان بيجانوۆ ۇقشۇ پارلامەنتتىك اسسامبلەياسىنىڭ «ۇقشۇ پارلامەنتتىك ىنتىماقتاستىعىن نىعايتقانى ءۇشىن» مەدالىمەن ماراپاتتالدى. پارلامەنتشىلەر ەرتارعىن استاەۆ پەن گەورگي كيمگە ۇقشۇ پارلامەنتتىك اسسامبلەياسىنىڭ قۇرمەت گراموتاسى تابىس ەتىلدى.
سونداي-اق, «ەگەمەن قازاقستان» رەسپۋبليكالىق گازەتىنىڭ باسشىسى دارحان قىدىرالى تمد پارلامەنتارالىق اسسامبلەياسىنىڭ «ءباسپاسوز جانە اقپاراتتى دامىتۋعا سىڭىرگەن ەڭبەگى ءۇشىن» بەلگىسىمەن ناگرادتالدى.