وتكەن اپتادا, 8-9 جەلتوقسان كۇندەرى تاشكەنتتە قازاقستان مەن وزبەكستاننىڭ جۇمىس توپتارى سۋ قاتىناستارىنىڭ بارلىق باعىتتارى بويىنشا ارىپتەستىكتى تەرەڭدەتە ءتۇسۋدىڭ جولدارىن قاراستىرۋعا ارنالعان جيىن وتكىزدى. بۇل تۋرالى CA-News (Uz) اقپارىنا سۇيەنگەن egemen.kz حابارلادى.
وزبەكستان سىرتقى ىستەر مينيسترلىگى ءباسپاسوز قىزمەتى تاراتقان مالىمەتكە قاراعاندا, دوستىق راۋىشتە جانە بايىرقالى جاعدايدا قانات جايعان كەزدەسۋدە ەكى ەلدىڭ مۇنىڭ الدىندا جوعارى دەڭگەيدەگى وتكەن قازاق-وزبەك كەلىسسوزدەرى بارىسىندا قول جەتكەن كەلىسىمدەردىڭ جۇزەگە اسىرىلۋ جايى جان-جاقتى تالقىلانعان. كەزدەسۋگە قازاقستان دەلەگاتسياسىن اۋىل شارۋاشىلىعى ۆيتسە-ءمينيسترى ەرلان نىسانباەۆ باستاپ بارسا, وزبەكستان جاعىن اۋىل جانە سۋ شارۋاشىلىعى ءمينيسترىنىڭ ورىنباسارى شاۆكات حامراەۆ باسقارعان.
باسقوسۋدىڭ قورىتىندىسى بويىنشا ءتيىستى حاتتاماعا قول قويىلدى. جۇمىس توبىنىڭ كەلەسى كەزدەسۋى قازاقستان تەرريتورياسىندا وتەدى.