ەلىمىزدىڭ ونەر جۇلدىزدارى كونستيتۋتسيالىق رەفورمالاردى قولداپ, حالىقتى جاڭا اتا زاڭ جوباسىنا داۋىس بەرۋگە شاقىردى. ولار 15 ناۋرىزدا وتەتىن رەسپۋبليكالىق رەفەرەندۋمدا وتانىمىزدىڭ كەلەشەك تاعدىرىنا قاتىستى ماڭىزدى شەشىم قابىلداناتىنىن جەتكىزدى, دەپ حابارلايدى Egemen.kz.
اكتريسا, قازاقستاننىڭ حالىق ءارتيسى گۇلجان اسپەتوۆا ءاربىر ازاماتىمىزدىڭ بەلسەندى ۇستانىمى – ادىلەتتى قازاقستاندى قۇرۋ جولىنداعى جاۋاپكەرشىلىك ەكەنىن ايتتى.
«كونستيتۋتسيانىڭ جاڭارۋى – ەلىمىزدىڭ دامۋىنداعى ماڭىزدى ءارى ۋاقىت تالابىنا ساي قابىلدانىپ وتىرعان شەشىم. بۇل باستاما مەملەكەتتىك باسقارۋ تەتىكتەرىن جەتىلدىرۋگە, زاڭ ۇستەمدىگىن نىعايتۋعا جانە ازاماتتاردىڭ قۇقىقتارى مەن بوستاندىقتارىن قورعاۋدى كۇشەيتۋگە باعىتتالعان. ۇسىنىلىپ وتىرعان وزگەرىستەر قوعام مەن مەملەكەت اراسىنداعى سەنىمدى ارتتىرىپ, ەلدىڭ تۇراقتى ءارى ۇزاق مەرزىمدى دامۋىنا بەرىك نەگىز قالايدى دەپ سەنەمىن. ءاربىرىمىزدىڭ بەلسەندى ۇستانىمىمىز – ادىلەتتى قازاقستان قۇرۋ جولىنداعى ورتاق جاۋاپكەرشىلىگىمىز. بولاشاعىمىز ءۇشىن, بىرلىگىمىز بەن تۇراقتىلىعىمىز ءۇشىن مەن جاڭا كونستيتۋتسيانى قولدايمىن! ءوز تاڭداۋىمدى جاسادىم!», دەپ جازدى ول الەۋمەتتىك جەلىدە.
كونستيتۋتسيا جوباسىنىڭ نەگىزگى ەرەجەلەرىنەن حاباردار ەتتى
سونداي-اق تانىمال ءانشى مارجان اراپباەۆا دا جاڭا كونستيتۋتسيا – جاڭارعان قازاقستاننىڭ بەت-بەينەسى ەكەنىن جەتكىزدى.
«قۇرمەتتى اعايىن! ءبىز تاريحي كەزەڭدە ءومىر ءسۇرىپ جاتىرمىز. بۇگىنگى تاڭ – ەرتەڭگى تاعدىردىڭ باستاۋ نۇكتەسى. جاڭا كونستيتۋتسيا – جاي عانا قۇجات ەمەس. بۇل – حالىقتىڭ سەنىمى. بۇل – ادىلەتكە ۇمتىلىس. بۇل – جاڭارعان قازاقستاننىڭ بەت-بەينەسى», دەپ وي ءبولىستى ول.
ايتا كەتەيىك, جاڭا اتا زاڭ جوباسىنا داۋىس بەرۋگە ارنالعان رەسپۋبليكالىق رەفەرەندۋمعا از ۋاقىت قالدى. بۇگىندە ءتۇرلى سالانىڭ ەلىمىزگە تانىمال وكىلدەرى الەۋمەتتىك جەلىدە ساياسي ناۋقاننىڭ ماڭىزى جايىندا پىكىر ءبىلدىرىپ جاتىر.
جالپىۇلتتىق كواليتسيا مۇشەلەرى اقتوبە جەو ۇجىمىمەن كونستيتۋتسيا جوباسىن تالقىلادى
ەلوردادا كونستيتۋتسيالىق رەفورماعا ارنالعان حالىقارالىق كونفەرەنتسيا ءوتتى