بۇگىن ۇكىمەت وتىرىسىندا قر اۋىل شارۋاشىلىعى ءبىرىنشى ۆيتسە-مينيسترi قايرات ايتۋعانوۆ مينيسترلىك قۇزىرەتىنىڭ اياسىندا الەۋمەتتىك ماڭىزى بار تاۋارلار باعاسىنىڭ ءوسۋىن بولدىرماۋ ءۇشىن قولعا الىنىپ جاتقان شارالاردى باياندادى, دەپ حابارلايدى اۋىل شارۋاشىلىعى مينيسترلىگى.
«ازىق-ت ۇلىك ونىمدەرىنىڭ باعاسىن ءبىر قالىپتا ۇستاپ تۇرۋ زاڭ بويىنشا جەرگىلىكتى اتقارۋ ورگاندارىنا جۇكتەلگەن. اتالعان شەشىم, 2012 جىلى قابىلدانىپ, سول جىلى 12,6 ملرد. تەڭگە رەسپۋبليكالىق بيۋدجەتتەن جەرگىلىكتى بيۋدجەتكە ءبولىندى»,- دەدى ق.ايتۋعانوۆ.
ازىق-ت ۇلىك تاۋارلارىنىڭ نارىقتاعى جاعدايى بويىنشا ءاربىر اكىمدىك تۇراقتاندىرۋ قورلارىنان قانشا مولشەردە قاراجات ءبولۋ كەرەكتىگى جونىندە شەشىم قابىلدايدى.
قىركۇيەك پەن قاراشا ايلارىنىڭ ارالىعىندا 1493 جارمەڭكە ۇيىمداستىرىلىپ, 9,1 ملرد. تەڭگەنىڭ كولەمىندە ونىمدەر ساتىلدى. ال, 2015 جىلى مۇنداي جارمەڭكەلەردىڭ سانى 3500-گە جەتتى.
ءبىرىنشى ۆيتسە-ءمينيستردىڭ ايتۋى بويىنشا, باعانى تۇراقتاندىرۋ مۇمكىندىكتەرى تولىققاندى جۇزەگە اسىرىلماي جاتىر. مىسالى, تۇراقتاندىرۋ قورلارىنا بولىنگەن قارجىنىڭ ءبىر بولىگى دەپوزيتتەردە. سونىمەن قاتار, كەيبىر وڭىرلەردە دەپوزيتتەردىڭ كولەمى بولىنگەن قاراجاتتىڭ جارتىسىنان اسادى. وسىنداي جاعداي ءتيىمسىز ۇيىمداستىرۋدىڭ سالدارى بولىپ تابىلادى.
«وسى تۇرعىدا ازىق-ت ۇلىك باعاسىن تۇراقتاندىرۋدىڭ ءۇش مەحانيزمىن ۇسىنىپ وتىرمىز: تۇراقتاندىرۋ قورلارىنىڭ جۇمىس ءتارتىبىن جەڭىلدەتۋ; مەملەكەتتىك-جەكە مەنشىك سەرىكتەستىك قاعيداسى بويىنشا الەۋمەتتىك كاسىپكەرلىك كورپوراتسياسى مەن جەكە مەنشىك كومپانيا اراسىنداعى قۇرىلعان كاسىپورىندار ارقىلى تۇراقتاندىرۋ قورلارىن باسقارۋ; ساۋدا نىساندارىنا تالاپتاردى ازىرلەۋ»,- دەدى ايتۋعانوۆ.
قازىرگى تاڭدا ءۇشىنشى مەحانيزم استانا قالاسىنىڭ اكىمدىگىمەن جۇزەگە اسىرىلىپ جاتىر.
ارى قاراي, ءمينيستردىڭ ءبىرىنشى ورىنباسارى كوتەرمە-تاراتۋ ورتالىقتارىنىڭ ماڭىزى تۋرالى ايتىپ ءوتتى.
«ەكسپورتتىق الەۋەتتى ارتتىرۋ تۇرعىسىنان بۇل ماسەلەنىڭ ماڭىزى زور. سوندىقتان, اوك-ءتى دامىتۋ مەملەكەتتىك جاڭا باعدارلاماسىنىڭ اياسىندا كوتەرمە-تاراتۋ ورتالىقتارى جۇيەسىن جاساۋعا ەرەكشە نازار اۋدارىلادى. ولاردىڭ باستى ماقساتى ءوندىرۋشى مەن جەكەلەپ ساتۋشىلار اراسىنداعى جۇيەنى وڭتايلاندىرۋ جانە اۋىل شارۋاشىلىعى كووپەراتيۆتەرىنىڭ الەۋەتىن قولدانۋ بولىپ تابىلادى»,- دەپ حابارلادى قايرات ايتۋعانوۆ.