الەۋمەتتىك سالا ۇيىمدارىن باسەكەلى ورتاعا بەرۋ ۇسىنىلدى. بۇل تۋرالى ۇكىمەتتىڭ كەزەكتى وتىرىسىندا قارجى ءمينيسترى باقىت سۇلتانوۆ رەسپۋبليكالىق جانە كوممۋنالدىق مەنشىك ءۇيىمدارىن, سونىمەن قاتار كۆازيمەملەكەتتىك كاسىپورىنداردى «Yellow Pages Rulle» اياسىندا باسەكەلى ورتاعا شىعارۋ بويىنشا جۇرگىزىلگەن جۇمىستار تۋرالى بايانداما جاساۋ كەزىندە ايتتى.
الەۋمەتتىك سالا ۇيىمدارىن باسەكەلى ورتاعا بەرۋ مەملەكەت مەنشىگىندەگى ۇيىمداردى كوممەرتسيالاندىرۋدىڭ ەكىنشى كەزەڭىندە مۇمكىن بولماق. قارجى ءمينيسترىنىڭ ايتۋىنشا, العاشقى كەزەڭنەن كەيىن مەملەكەت مەنشىگىندە 5 991 ۇيىم قالادى. ونىڭ جارتىسىنا جۋىعىن نەمەسە 42% -ى بالاباقشالار. بەستەن ءبىر بولىگىن جوو, كوللەدجدەر, قوسىمشا ءبىلىم بەرۋ ۇيىمدارى قۇرايدى. 13 % -ى ەمحانالار مەن اۋرۋحانالار, 8,5% –ى تەاتر, مۋزەي, مادەنيەت ۇيلەرى. قالعان ۇيىمدار – مونوپوليا, باق, ۆەتەرينارلىق ۇيىمدار جانە ت.ب.
«نەگىزگى بولىگىن الەۋمەتتىك سالا ۇيىمدارى قۇرايدى. ولاردى باسەكەلى ورتاعا بەرۋدى كوممەرتسيالاندىرۋ ماسەلەسى, جوو-ىن رەفورمالاۋ اياقتالعاننان كەيىن مۇمكىن بولادى دەپ سانايمىز. سونىمەن قاتار, مەملەكەتتىك كاسىپورىندار بيۋدجەتتىك بەكىتۋ - جاڭا –ۇيىمداستىرۋ-قۇقىقتىق فورماسى ەنگىزىلگەننەن كەيىن ايتارلىقتاي قىسقارۋعا ءتيىس. ولاردى ودان ءارى ءمجا جەلىسى بويىنشا بەرۋ جەكە بيزنەستى بەلسەندىرۋگە جول اشادى»,-دەپ اتاپ ءوتتى ب.سۇلتانوۆ. ينۆەنتاريزاتسيالاۋدىڭ ەكىنشى كەزەڭىنەن كەيىن مەملەكەت مەنشىگىندە 1 400-گە جۋىق ۇيىم قالادى. بايانداماشى اتاپ وتكەندەي, بيزنەس بالاباقشالاردى سەنىمگەرلىك باسقارۋعا الۋعا نيەت ءبىلدىرىپ وتىر.
ارنۇر اسقاروۆ, "ەگەمەن قازاقستان".