2016 جىل ارحيتەكتۋرا تاريحىندا دا ەستە قالاتىن جاعدايلارعا تولى بولدى. سولاردىڭ دالەلى رەتىندە CNN تومەندەگى توپتامانى حالىق نازارىنا ۇسىندى.
بيىل قاڭتار ايىندا چيلي ەلىنىڭ ارحيتەكتورى الەحاندرو اراۆەنا قىمبات ەمەس الەۋمەتتىك تۇرعىن ۇيلەردىڭ جوباسى ءۇشىن پريتتسكەر سىيلىعىن يەلەندى.
نيۋي-يوركتەگى 432 Park Avenue 2015 جىلدىڭ جەلتوقسانىندا سالىنىپ بىتكەنى بەلگىلى. ول بيىل الەمدەگى ەڭ بيىك تۇرعىن ءۇي اتاندى. ونىڭ بيىكتىگى - 425,3 مەتر.
اقپان ايىندا Kohn Pedersen Fox Associates پەن E. Roberson Associates "توكيو 2045" دامۋ باعدارلاماسى اياسىندا سالىناتىن 1600 مەتر بيىكتىكتى قامتيتىن عيماراتتىڭ جوباسىن تانىستىردى.
لوندونداعى "جۇزەتىن" ۇيلەر. مامانداردىڭ ايتۋىنشا, ولاردىڭ باعاسى 2012 جىلدان باستاپ 57 پايىزعا وسكەن. تۇرعىن ءۇي قىمبات سانالاتىن لوندون تۇرعىندارى ءۇشىن قولجەتىمدى بولىپ وتىر.
بيىكتىگى 200 مەتردەن اساتىن ۇندىستانداعى جاڭا عيباداتحانانىڭ قۇرىلىسى 2017 جىلدىڭ ناۋرىز ايىندا بىتەدى دەپ جوسپارلانىپ وتىر. ول ورمانمەن قورشالعان مادەني ورتالىق پەن تاقىرىپتىق پاركتى دە قامتىعان.
دۋبايداعى "ەۋروپا جۇرەگى" ارالىندا سۋ ۇستىنە سالىنعان ۇيلەر دە بيىلعى جىلدىڭ باستى ارحيتەكتۋرالىق جاڭالىعى بولدى.
سنەحەت فيرماسى عيماراتىنىڭ جاڭا ارحيتەكتۋراسى قايتالانباس ۇلگى رەتىندە تانىلدى.
تامىز ايىندا پايدالانۋعا بەرىلگەن بانگكوكتىڭ The MahaNakhon تايلاندتاعى ەڭ بيىك عيمارات اتاندى. ونىڭ بيىكتىگى - 314 مەتر.
ۆو-چونگ نگيا اتتى ارحيتەكتور ءوز جوبالارىنىڭ شاتىرىندا مىندەتتى تۇردە فەرمالار ۇيىمداستىرىپ, اعاش وتىرعىزادى. بۇل دا بيىلعى جىلدىڭ ارحيتەكتۋراسىنا ەرەكشە لەپ بەردى.