بەستاماق اۋىلىنداعى «كوكتاس — اقتوبە» اق-عا قاراستى «اق قۇس» فابريكاسىنىڭ جۇمىس ىستەي باستاعانىنا ون جىلدىڭ ءجۇزى بولدى. بۇل فابريكا باتىس وڭىرىندگى برويلەرلىك باعىتتاعى بىردەن-ءبىر قۇس فابريكاسى بولىپ تابىلادى. مۇندا وندىرىلگەن قۇس ەتى ءوز وڭىرىمىزگە, سونداي-اق, ماڭعىستاۋ, اتىراۋ جانە باتىس قازاقستان وبلىستارىنا وتكىزىلىپ كەلەدى. تاياۋ ۋاقىتتا فابريكا قۇس ەتىن رەسەي جانە قىتاي نارىعىنا شىعارۋعا قادام جاساۋدا.
جاقىندا تاۋەلسىزدىكتىڭ 25 جىلدىعى قارساڭىندا كاسىپورىندا جاڭا قۇس سويۋ تسەحى پايدالانۋعا بەرىلدى. مۇنىڭ ءوزى فابريكانىڭ وندىرىستىك قۋاتىن ارتتىرۋمەن بىرگە, قۇس ەتىن سىرتقى نارىققا شىعارۋعا مۇمكىندىك بەرەرى ءسوزسىز.
«اق قۇس» فابريكاسىنداعى جاڭا قۇس سويۋ تسەحىنىڭ سالتاناتتى اشىلۋىنا ارنالعان جيىندا ءسوز العان وبلىس اكىمى بەردىبەك ساپارباەۆ جاڭا وندىرىستىك جەلىنىڭ پايدالانۋعا بەرىلۋىمەن قۇتتىقتاي كەلىپ, ەلىمىزدە قۇس ەتىنە دەگەن سۇرانىستىڭ ارتىپ وتىرعانىن جەتكىزدى.
«ەلباسى نۇرسۇلتان نازارباەۆتىڭ تاپسىرماسى بويىنشا ءوز ونىمدەرىمىزدى كوبەيتىپ, يمپورتتىڭ ۇلەسىن ازايتۋىمىز كەرەك. باستى ماقسات – ازىق-ت ۇلىك قاۋىپسىزدىگىن قامتاماسىز ەتۋ. بۇل باعىتتا «اق قۇس» فابريكاسىندا جاڭا قۇس سويۋ تسەحىنىڭ اشىلۋى ۇلكەن ىسكە قوسىلعان ۇلەس بولىپ تابىلادى. اقتوبە ءوڭىرى تۇرعىندارىنىڭ قۇس ەتىنە دەگەن سۇرانىسىنىڭ 68 پايىزىن وسى فابريكا بەرەدى. فابريكا وسى كەزگە دەيىن جىلىنا 3 مىڭ توننا شاماسىندا تاۋىق ەتىن ءوندىرىپ كەلسە, جاڭا تسەحتىڭ قۋاتتىلىعى جىلىنا 10 مىڭ توننا قۇس ەتىن شىعارۋعا مۇمكىندىك بەرەدى. ياعني, تسەح تولىق قۋاتىندا ىسكە قوسىلعان كەزدە, «اق قۇس» فابريكاسى ءوڭىر تۇرعىندارىنىڭ سۇرانىسىن تولىق وتەپ قانا قويماي, ءوز ونىمدەرىن كورشى وڭىرلەر مەن سىرتقى نارىققا دا دە شىعاراتىن بولادى. سونداي-اق, بيۋدجەتكە سالىق تۇسەدى», – دەدى ءوڭىر باسشىسى.
جاڭا تسەحتا 35 جاڭا جۇمىس ورنى اشىلدى. جوبانىڭ قۇنى 1 ملرد 440 ميلليون تەڭگە تۇرادى. «اق قۇس» فابريكاسى باسشىلارىنىڭ ايتۋىنشا, جۇمسالعان قارجى ءۇش جىل مەرزىمدە وتەلەتىن بولادى. فابريكاداعى نەگىزگى تەحنولوگيالىق ۇدەرىسى – ينكۋباتسيالاۋ. ايىنا ءۇش-ءتورت رەت 31 مىڭ جۇمىرتقا ارنايى شكافتارعا قويىلادى. ازىرگە جۇمىرتقالار رەسەيدەن جەتكىزىلۋدە. بۇل جوبا ءونىمنىڭ وزىندىك قۇنىنىن كەمىتۋگە قول جەتكىزەدى دەپ كۇتىلۋدە. «كوكتاس - اقتوبە» اق باسشىلارى بولاشاقتا مەكيەندەر ءوسىرىپ, جۇمىرتقانى دا وزدەرى ءوندىرۋدى ويلاستىرۋدا. سوندا كاسىپورىننىڭ ونىمدەرى اناعۇرلىم مولايادى, تابىسى دا ارتادى.
وسى جوبانى جۇزەگە اسىرۋ بارىسىندا كاسىپورىنعا مەملەكەت تاراپىنان قولداۋ كورسەتىلگەن. اتاپ ايتقاندا, جالپى اۋدانى 1 گەكتار بولاتىن, ينفراقۇرىلىمدارمەن جابدىقتالعان جەر تەلىمى بولىنگەن.
ساتىبالدى ءساۋىرباي,
«ەگەمەن قازاقستان»