"نۇرلى جەر" باعدارلاماسى تۇرعىن ءۇي قۇرىلىسىن دامىتۋعا ماڭىزدى سەرپىن بەرەدى. بۇل تۋرالى بۇگىن ۇكىمەت وتىرىسىندا قر پرەمەر-ءمينيسترىنىڭ ءبىرىنشى ورىنباسارى ا.مامين اتاپ ءوتتى.
«اتالعان باعدارلاما تۇرعىن ءۇي قۇرىلىسىن دامىتۋعا, وتاندىق كاسىپورىنداردىڭ قۇرىلىس قۋاتىن پايدالانۋعا ماڭىزدى سەرپىن بەرەدى جانە جەرگىلىكتى مازمۇن ۇلەسىن 90%-دان ارتتىرۋعا دەيىن مۇمكىندىك بەرەدى. سونىمەن قاتار, باعدارلامادا ۇسىنىلعان قۇرالدار بۇگىندە جوق ەكەنىن ايتا كەتۋ كەرەك. بۇل قۇرالداردى ەنگىزۋ كوپپاتەرلى باسپانا مەن جەكە تۇرعىن ءۇي قۇرىلىسىن دامىتۋعا ماڭىزدى سەرپىن بەرەدى. بارلىق تەتىكتەرى وڭىرلەرمەن تالقىلاندى, بارلىق ەسكەرتۋلەر باعدارلامانىڭ سوڭعى رەداكتسياسىندا كورىنىس تاباتىن بولادى. ءبىز ونىڭ قۇرىلىستا جانە قالالارىمىزدىڭ زاماناۋي كەلبەتىن قالىپتاستىرۋدا وتە ماڭىزدى بولادى دەپ سانايمىز», - دەدى ا.مامين.
ارنۇر اسقار, "ەگەمەن قازاقستان".