ورتا سالماقتا الەمنىڭ بۇرىنعى چەمپيونى مەكسيكالىق كىشى حۋليو سەزار چاۆەس (50-2-1, 32 KO) WBA (Super), IBO, WBC IBF تيتۋلدارىنىڭ يەگەرى گەننادي گولوۆكينمەن جۇدىرىقتاسقىسى كەلەتىنىن ايتتى, دەپ حابارلادى vesti.kz.
«مەنىڭشە, «كانەلومەن» اراداعى كەزدەسۋى الەم كوز تىگەتىن جەك-جەكتەردىڭ ءبىرى بولماق ءارى بۇدان كوپ اقشا دا تابۋعا بولادى. GGG كوبىسىن نوكاۋتپەن جەڭگەن, بىراق ارالارىندا ەسىمى الەمگە ايگىلى سپورتشىلار بولعان ەمەس. ال مەن تەك اقشا ءۇشىن عانا ايقاسپايمىن», – دەدى ول.
«كانەلو» مەن گولوۆكين الەمگە بەلگىلى بوكسشىلاردىڭ ءبىرى. ەگەر كەلىسسوزدەرگە دايىن بولسا, مەن دە قۋانا-قۋانا كەلىسەر ەدىم», – دەدى كىشى چاۆەس.
ايتا كەتەيىك, بىرەر كۇن بۇرىن مەكسيكالىق بوكسشى 2015 جىلدان بەرى العاش رەت رينگكە شىعىپ, گەرمانيالىق دومينيك ءبريچتى ۇپاي بويىنشا جەڭگەن. ول جەكپە-جەكتەن كەيىن كىممەن بولسا دا ۇرىسقا دايىن ەكەندىگىن مالىمدەدى. ول سونداي-اق, ءوزىنىڭ گولوۆكيننىڭ سوققىلارىنا شىداس بەرەتىن عانا ەمەس ءتىپتى, نوكاۋتقا جىبەرەتىن بىردەن-ءبىر ادام ەكەنىن العا تارتتى. ال قازاقستاندىقتىڭ جاتتىقتىرۋشىسى ابەل سانچەس بۇل ۇسىنىسقا دايىن ەكەندىكتەرىن حابارلادى.