بيىلعى جىلدىڭ قاراشا ايىندا ساۋد ارابياسىنداعى مۇناي ءوندىرۋ كولەمى رەكوردتىق كولەمگە جەتتى, دەپ حابارلايدى BBC.
ناقتىراق ايتار بولساق, قاراشا ايىندا ساۋد ارابياسىنداعى وندىرىلگەن مۇناي كولەمى تاۋلىگىنە 10,72 ملن باررەلگە جەتكەن. كورولدىكتە قارا التىن ءوندىرۋ وسىمەن ەكىنشى رەت ەڭ ۇلكەن كورسەتكىشتى كورسەتىپ وتىر. شىلدە ايىنا ءبىر تاۋلىكتە وندىرىلگەن مۇناي مولشەرى 10,67 ملن باررەلگە جەتكەن.
وپەك ۇيىمىنىڭ تاعى ءبىر دەرەككوزىنىڭ مالىمەتتەرى بويىنشا, مۇناي ءوندىرۋ يراكتا دا ارتا ءتۇسىپ, كۇن سايىن ولار 4,8 ملن باررەل كومىرتەگى ءوندىرىپ وتىرعان كورىنەدى (سالىستىرمالى تۇردە العاندا قازان ايىندا بۇل ەل تاۋلىگىنە 4,7 ملن باررەل مۇناي ءوندىردى).
ساۋد ارابياسى وپەك ۇيىمىنا مۇشە ەڭ ءىرى مۇناي ءوندىرۋشى ەل رەتىندە ءوندىرىس كولەمىن تاۋلىگىنە 10,05 ملن باررەلگە جەتكىزەتىنى جونىنە ۇيىمعا مۇشە وزگە ەلدەردىڭ الدىندا ۋادە بەرگەن. بۇنداي ۋاعدالاستىققا 30 قاراشى كۇنى جاسالعان كەلىسىم بويىنشا قول جەتكىزىلدى. دەگەنمەن, اتالعان كەلىسىم كەلەر جىلدىڭ 1 قاڭتارىنان باستاپ كۇشىنە ەنەتىندىكتەن, ازىرگە بۇل مەملەكەتتەر بارىنشا كوبىرەك وندىرۋگە كۇش سالىپ جاتىر.
وتكەن سەنبىدە مۇناي ەكسپورتتاۋشى مەملەكەتتەردىڭ ۇيىمىنا كىرمەيتىن ەلدەردىڭ وكىلدەرى باس قوسىپ, مۇناي باعاسىن تۇراقتاندىرۋ ماقساتىندا ءوندىرىس كولەمىن قىسقارتۋ جونىندە كەلىسىمگە كەلگەن بولاتىن.