بۇگىن قازاقستاننىڭ باسىم بولىگىندە اتمسوفەرالىق اعىمداردىڭ وتۋىنە بايلانىستى قار جاۋادى. ەلدىڭ وڭتۇستىك-شىعىسىندا عانا قار جاۋمايدى. كەي جەرلەردە تۇمان ءتۇسىپ, كوكتايعاق بولىپ, بۇرقاسىنداتادى, جەل كۇشەيەدى, دەپ حابارلايدى «قازگيدرومەت».
پاۆلودار وبلىسىندا جەل كۇشەيىپ, كوكتايعاق بولادى. قاراعاندى وبلىسىنىڭ كەي جەرلەرىندە تۇمان ءتۇسىپ, كوكتايعاق بولىپ, جەلدىڭ كۇشى 15-20 مەترگە جەتەدى.
قىزىلوردا وبلىسى بويىنشا كەي جەرلەرگە تۇمان ءتۇسىپ, كوكتايعاق بولادى. تۇندە بۇرقاسىن بولادى. جەلدىڭ كۇشى سەكۋندىنا 15-20 مەترگە جەتەدى.
اقمولا, سولتۇستىك قازاقستان, وبلىستارىنىڭ بىرقاتار ايماقتارىندا بۇرقاسىن, كوكتايعاق بولىپ, جەل 15-20 مەتر/سەكۋندقا دەيىن اقمولا وبلىسىندا سەكۋندىنا 25 مەترگە دەيىن كۇشەيەدى.
شىعىس قازاقستان وبلىسىندا كەي جەرلەردە بۇرقاسىن بولىپ, تۇمان تۇسەدى, جەل كۇشەيىپ سەكۋندىنا 15-20 مەترگە دەيىن, كەي جەرلەردە 25 مەترگە دەيىن جەتەدى.
جامبىل, وڭتۇستىك قازاقستان وبلىستارىندا تۇمان ءتۇسىپ, كوكتايعاق بولادى. جەل 15-20 مەتر/سەكۋندقا دەيىن كۇشەيەدى.
ماڭعىستاۋ, كۇندىز اتىراۋ وبلىستارىنىڭ بىرقاتار ايماقتارىندا تۇمان ءتۇسىپ, كوكتايعاق بولادى. ماڭعىستاۋ وبلىسىنىڭ كەي جەرلەرىندە تۇندە جەل كۇشەيەدى.
قوستاناي وبلىسىنىڭ ايماقتارىندا جەلدىڭ كۇشى 15-20 مەرگە دەيىن جەتىپ, كەي جەرلەردە بۇرقاسىن بولادى. اقتوبە وبلىسىندا كەي جەرلەردە جەل تۇرادى, بۇرقاسىن بولادى. كۇندىز باتىس قازاقستان وبلىسىندا كوكتايعاق جانە بۇرقاسىن بولادى. الماتى وبلىسىنىڭ بىرقاتار ايماقتارىنا تۇمان تۇسەدى.