استانا قالاسىنىڭ اكىمى اسەت يسەكەشەۆ اۋا رايىنىڭ قولايسىزدىعىنا بايلانىستى الىس ساپارعا شىقپاۋعا كەڭەس بەردى. بۇل تۋرالى ول فەيسبۋك پاراقشاسىندا مالىمدەدى.
«قۇرمەتتى ەلوردا تۇرعىندارى مەن قوناقتارى! ەرتەڭ جۇمىس اپتاسى باستالاتىندىقتان, سونداي-اق, قار جاۋىپ, بوران سوعىپ تۇرعاندىقتان, الىس ساپارلارعا شىقپاۋعا جانە جولعا شىعار الدىندا اۋا رايىنىڭ قولايسىزدىعىن ەسكەرۋدى سۇرايمىز», - دەپ جازدى.
سونىمەن قاتار, قاردىڭ مولىنان ءتۇسۋى مەن بوراننىڭ سالدارىنان قالانىڭ كوممۋنالدىق قىزمەتتەرى بارىنشا تارتىلىپ, تاۋلىك بويى جۇمىس ىستەپ جاتقانىن ايتتى. قازىرگى كەزدە 715 ارنايى تەحنيكا جانە 158 ادام جۇمىس ىستەۋدە.
قازىرگى ۋاقىتتا استانا-كوكشەتاۋ, استانا-قاراعاندى جانە استانا-پاۆلودار تاسجولدارى جابىلدى.
سينوپتيكتەر دۇيسەنبى كۇنى, ياعني 12 جەلتوقساندا قار جاۋىپ, بۇرقاسىن بولادى دەگەن بولجام جاسادى.