ەلىمىزدە اۋا رايىنىڭ قولايسىزدىعىنان ءۇش وڭىردە اۆتوجولدار جابىلدى, دەپ حابارلادى ءىىم توتەنشە جاعدايلار قىزمەتى.
وسىلايشا, استانادا 10 جەلتوقسان كۇنى ساعات 18:00-دەن باستاپ, استانا-كوكشەتاۋ باعىتى بويىنشا بارلىق كولىك تۇرلەرى ءۇشىن جولدار جابىلدى. 11 جەلتوقسان, ساعات 13:40-تان باستاپ, استانا-پاۆلودار, ساعات 15:30-دان باستاپ, استانا-قاراعاندى باعىتتارى بويىنشا جولدار بارلىق كولىك تۇرلەرى ءۇشىن جابىلدى.
اقمولا وبلىسىندا 10 جەلتوقسان, ساعات 12:30-دان باستاپ, ەسىل قالاسىنان قوستاناي وبلىسىنىڭ شەكاراسىنا دەيىن, 10 جەلتوقسان, ساعات 18:00-دەن باستاپ, شورتاندى-استانا باعىتى بويىنشا, 11 جەلتوقسان, ساعات 13:45-تەن باستاپ, استانا-ەرەيمەنتاۋ-شىدەرتىدەن پاۆلودار وبلىسىنىڭ شەكاراسىنا دەيىن, ساعات 15:20-دان باستاپ استانا قالاسى باعىتىندا قاراعاندى وبلىسىنىڭ شەكاراسىنا دەيىن بارلىق كولىك تۇرلەرىنە جول جابىق.
قوستاناي وبلىسىندا ساعات 18:00-دەن باستاپ اۋا رايىنىڭ كۇرت بۇزىلۋىنا (بۇرقاسىن, كورىنىس شەكتەۋلى) بايلانىستى قاراعاندى وبلىسىنان ارقالىق قالاسىنا دەيىن, اقمولا وبلىسىنىڭ شەكاراسىنا دەيىن بارلىق كولىك تۇرلەرى ءۇشىن جولدار جابىق.
پاۆلودار وبلىسىندا ساعات 18:00-دەن باستاپ, بۇرقاسىن مەن جولدىڭ كورىنىس ايماعىنىڭ شەكتەۋلى بولۋىنا بايلانىستى شىدەرتى اۋىلىنان اقمولا وبلىسىنىڭ شەكاراسىنا دەيىن بارلىق كولىك تۇرلەرىنە جول جابىق.