ىستانبۇلداعى تەررورلىق شابۋىلدى «كۇردىستان ەركىندىك قىراندارى» توبى ءوز موينىنا الدى, دەپ حابارلادى تاسس اقپارات اگەنتتىگى.
بۇعان دەيىن تۇركيانىڭ پرەمەر-ءمينيسترى بينالي يىلدىرىم قاندى شابۋىلدى «كۇردىستان جۇمىسشىلار توبى» ۇيىمداستىرعان بولۋى مۇمكىن دەگەن مالىمدەمە جاساعان.
ايتا كەتەيىك, 10 جەلتوقسان كۇنى «بەشيكتاش» پەن «بۋرساسپور» كوماندالارىنىڭ اراسىنداعى ماتچتان كەيىن Vodafone Arena ستاديونىنىڭ ماڭىندا جويقىن جارىلىس بولدى. جارىلعىش زاتتار ورناتىلعان اۆتوموبيل ءتارتىپ ساقشىلارى مىنگەن كولىك ءوتىپ بارا جاتقان كەزدە ىسكە قوسىلعان.
سالدارىنان سوڭعى مالىمەتتەر بويىنشا زارداپ شەككەندەردىڭ سانى 155 ادامعا جەتتى. ال وپات بولعان 38 ادامنىڭ 30-ى پوليتسيا قىزمەتكەرى.
بۇدان بولەك, 2 لاڭكەس وقيعا ورنىندا قازا تاپسا, ءتارتىپ ساقشىلارى تەراكتىنى ۇيىمداستىرعان 13 ەكسترەميستى قولعا ءتۇسىردى.