اوك مەملەكەتتىك باعدارلاماسى اياسىندا قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى ا.ي. مىرزاحمەتوۆتىڭ تاپسىرماسىمەن اگرونوم عالىمدار ەلىمىزدىڭ بارلىق وڭىرلەرىندە اۋىل شارۋاشىلىعى وندىرۋشىلەرىمەن كەزدەسۋلەر وتكىزدى, دەپ حابارلايدى اۋىل شارۋاشىلىعى مينيسترلىگى.
كەزدەسۋدىڭ نەگىزگى ماقساتى – وتاندىق جانە شەتەلدىك جەتەكشى اگروتەحنولوگيالار مەن يننوۆاتسيالاردى اينالىسقا ەنگىزۋ ارقىلى باسەكەگە قابىلەتتى اۋىل شارۋاشىلىعى ونىمدەرى ءوندىرىسىن ۇلعايتۋ, «ۇاعبو» كەاق عىلىمي-زەرتتەۋ ۇيىمدارىنىڭ قاتىسۋىمەن يننوۆاتسيالىق بيزنەس-جوبالاردى بىرلەسە ىسكە اسىرۋ, اگروونەركاسىپتىك كەشەننىڭ يننوۆاتسيالىق ۇدەرىسىنە اگروبيزنەس سۋبەكتىلەرىن تارتۋ مەحانيزمدەرىن انىقتاۋ.
«ۇلتتىق اگرارلىق عىلىمي-ءبىلىم بەرۋ ورتالىعى» كوممەرتسيالىق ەمەس اكتسيونەرلىك قوعامى باسقارما توراعاسى اسقار نامەتوۆ قوستاناي وبلىسىنىڭ ايماقتىق ورتالىق كوممۋنيكاتسيالار قىزمەتى بريفينگىندە ەل ىشىندەگى كەزدەسۋلەردىڭ قورىتىندىسىن جانە دە اگروونەركاسىپتىك كەشەنى سالاسىنىڭ دامۋ ماسەلەلەرى مەن جاڭا عىلىمي جولدار تۋرالى ايتىپ ءوتتى.
ءوز سوزىندە, ا.نامەتوۆ قر اۋىل شارۋاشىلىعى مينيسترلىگىنىڭ ۇكىمەت پەن پارلامەنت ءماجىلىسى وتىرىسىندا تانىستىرعان اوك دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى تۇجىرىمداماسىنىڭ نەگىزگى باعىتتارىنا توقتالىپ ءوتتى.
باعدارلامانىڭ باستى مىندەتى – اوك باسەكەگە قابىلەتتى ءونىم نارىعىندا سۇرانىسقا يە وندىرىسپەن قامتاماسىز ەتۋ.
سونىمەن قاتار, ول اگرارلىق عىلىمنىڭ دامۋى, وندىرىسكە عىلىم مەن ءبىلىمنىڭ ينتەگراتسياسى پروبلەمالارى مەن ستراتەگيالىق ماسەلەلەرىنە توقتالدى.
«جۇيەلى تۇردە تۋىنداعان ماسەلەلەردى تالداۋدىڭ بارىسى قازاقستاننىڭ اگرارلىق عىلىمىنىڭ ستراتەگيالىق ماقساتى – اگروبيزنەستىڭ قاجەتتىلىگىن قاناعاتتاندىرۋعا باعىتتالعان جانە دە عىلىمي نەگىزدەلگەن باسەكەگە قابىلەتتى ءونىمدى الۋ ەكەندىگىن كورسەتىپ وتىر», – دەدى ا.نامەتوۆ.
قازىرگى تاڭدا «ۇاعبو» كەاق ءبىلىمدى, عىلىمي-تەحنيكالىق قىزمەت ناتيجەلەرى مەن عىلىمي-زەرتتەۋ ۇيىمدارىنىڭ قىزمەتتەرىن تاراتۋدىڭ ءتيىمدى جولدارىن قاراستىرۋدا.
سونىمەن قاتار, «ۇاعبو» كەاق قۇرامىندا اگرارلىق تەحنولوگيالاردى تراسفەرتتەۋ جانە كوممەرتسياليزاتسيالاۋ ورتالىعى (اتتك) جۇمىس ىستەيدى. ورتالىقتىڭ نەگىزگى قىزمەتى وتاندىق عىلىمي-زەرتتەۋ مەكەمەلەرىنىڭ عىلىمي-تەحنيكالىق ناتيجەلەرىن ەنگىزۋگە باعىتتالعان. قازىرگى تاڭدا قازاقستاندا شەتەلدىك يننوۆاتسيالاردى ەنگىزۋ ءۇشىن اتتك قىزمەتىن كەڭەيتۋ ماسەلەسى قاراستىرىلۋدا.
وسى اتالعان ماسەلەلەردى شەشۋ ارقىلى عىلىمي ۇيىمداردىڭ قىزمەتىن اۋىل شارۋاشىلىعى تاۋار وندىرۋشىلەرىنىڭ قاجەتتىلىكتەرىنە سايكەس وندىرىسكە جاڭا تەحنولوگيالاردى ەنگىزۋگە باعىتتالعان زەرتتەۋ جۇمىستارىن دامىتۋعا جول اشادى.