«استانا» فۋتبول كومانداسىنىڭ تاربيەلەنۋشىسى اباي ءجۇنىسوۆ «يانگ بويز» كومانداسىنا قارسى ەۋروپا كۋبوگىنداعى دەبيۋتتىك ويىنىن وتكىزدى.
21 جاستاعى جارتىلاي قورعاۋشى سەرىكجان مۇجىقوۆتىڭ ورنىنا الاڭعا شىقتى. ايتا كەتەرلىگى, اباي كاسىبي مانسابىن «استانانىڭ» ەكىنشى كومانداسىنان باستادى. سودان كەيىن ەكى ماۋسىم ءبىرىنشى ليگادا وينايتىن «بايتەرەك» كومانداسىنا جالعا بەرىلدى.
ال بيىلعى ماۋسىمدى ەكىنشى ليگادا ونەر كورسەتەتىن «استانا-U-21» كومانداسىنىڭ كاپيتانى رەتىندە باستادى. دەگەنمەن, ءوزىنىڭ تالانتىمەن نەگىزگى كوماندا جاتتىقتىرۋشىلارىنىڭ نازارىن اۋدارتپاي قويمادى. قپل-2016 ماۋسىمىنىڭ سوڭىندا پرەمەر-ليگاداعى العاشقى ويىنىن وتكىزدى.
ايتا كەتەيىك, تۇندە ەۋروپا ليگاسىنىڭ توپتىق كەزەڭىنىڭ سوڭعى ماتچىندا "استانا" سىرت الاڭدا "يانگ بويز" كلۋبىنان 0:3 ەسەبىمەن جەڭىلدى.