بۇگىن قازاقستاننىڭ باسىم بولىگىندە اتموسفەرالىق اعىمداردىڭ وتۋىنە بايلانىستى جاۋىن-شاشىن ساقتالادى. كوبىنە قار, وڭتۇستىكتە, وڭتۇستىك-شىعىستا, شىعىستىڭ كەي جەرلەرىندە قاتتى قار جاۋادى, كەي جەرلەردە تۇمان, كوكتايعاق, بۇرقاسىن بولىپ, جەل كۇشەيەدى دەپ حابارلايدى ەلىمىزدىڭ توتەنشە جاعدايلار قىزمەتىنىڭ رەسمي سايتى.
اقمولا, پاۆلودار وبلىستارىندا بۇرقاسىن بولىپ, جەل 15-20, كەي جەرلەردە 25 م/س كۇشەيەدى.
قوستاناي, اقتوبە, باتىس قازاقستان, سولتۇستىك قازاقستان وبلىستارىنىڭ كەي جەرلەرىندە بۇرقاسىن بولىپ, جەلدىڭ كۇشى 15-20 م/س كۇشەيەدى.
شىعىس قازاقستان وبلىسىنىڭ كەي جەرلەرىندە بۇرقاسىن, تۇمان, كوكتايعاق بولىپ, جەل 15-20, ەكپىنى 23-28 م/س دەيىن جەتەدى.
قاراعاندى وبلىسىنىڭ كەي جەرلەرىندە بۇرقاسىن, تۇمان بولىپ, جەل 15-20 م/س دەيىن كۇشەيەدى.
جامبىل, وڭتۇستىك قازاقستان, قىزىلوردا وبلىستارىنىڭ كەي جەرلەرىندە تۇمان, كوكتايعاق, جەل بۇرقاسىنمەن جەلدىڭ كۇشى 15-25 م/س دەيىن كۇشەيەدى.
ماڭعىستاۋ وبلىسىنىڭ كەي جەرلەرىندە تۇمان, كوكتايعاق, جەل 15-20 م/س دەيىن كۇشەيەدى.
اتىراۋ وبلىسىنىڭ كەي جەرلەرىندە بۇرقاسىن, كوكتايعاق بولىپ, جەلدىڭ كۇشى 15-20 م/س جەتەدى.
الماتى وبلىسىنىڭ كەي جەرلەرىندە تۇمان, جەل 17-22, ەكپىنى 25 م/س كۇشەيەدى.