«بولاشاق» باعدارلاماسىمەن باكالاۆريات بويىنشا وقۋ مۇمكىنشىلىگى قايتا قولعا الىنۋى مۇمكىن. بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە «حالىقارالىق باعدارلامالار ورتالىعى» اق پرەزيدەنتى جانبولات مەلدەشوۆ ءمəلىم ەتتى, دەپ حابارلايدى قازاقپارات.
«مينيسترلىك ء(بىلىم جانە عىلىم مينيسترلىگى) «بولاشاق» باعدارلاماسىمەن باكالاۆريات بويىنشا وقۋدى قايتارۋ ماسەلەسىن قاراستىرىپ جاتىر», – دەدى ول باق وكىلدەرىنىڭ ساۋالىنا وراي.
ونىڭ اتاپ وتۋىنشە, الداعى ۋاقىتتا مۇنداي مۇمكىنشىلىك مەكتەپتى ەڭ ۇزدىك بىتىرگەن تۇلەكتەرگە بەرىلۋى ىقتيمال. جالپى, جانبولات مەلدەشوۆتىڭ اتاپ وتۋىنشە, 23 جىل ىشىندە «بولاشاق» ستيپەندياسى اياسىندا ۇلتتىق ەكونوميكانىڭ ءتۇرلى سالالارى ءۇشىن 9 339 مامان دايارلاندى. ولاردىڭ اراسىندا 2 000-نان اسا ينجەنەر, 2 000-عا جۋىق مەكتەپ جانە جوعارى وقۋ ورىندارىنىڭ وكىلدەرى, ەل وڭىرلەرىنە ارنالعان 600 دارىگەر, 400 مەملەكەتتىك قىزمەتشى, 200 شىعارماشىلىق سالاسىنىڭ قىزمەتكەرى جانە 2 000-نان اسا ۇلتتىق جانە جەكە كومپانيا ماماندارى بار.
«مەملەكەت باسشىسى قازاقستاندىق ۇلتتىڭ جوعارى بىلىكتىلىگىنىڭ مەملەكەتتىڭ باسەكەگە قابىلەتتىلىگىنىڭ نەگىزگى فاكتورى ەكەندىگىن بىرنەشە رەت اتاپ وتكەن بولاتىن. «بولاشاق» باعدارلاماسى جيىرما جىلدان اسا ۋاقىتتان بەرى زاماناۋي جوعارى جانە جوعارى وقۋ ورنىنان كەيىنگى ءبىلىم فلاگمانى بولا وتىرىپ, جوعارى ءبىلىمدى ۇلتتىڭ قالىپتاسۋىنا ءوزىنىڭ ايتارلىقتاي ۇلەسىن قوسىپ كەلەدى. تۇلەكتەردىڭ 100 پايىزى جۇمىسقا ورنالاستىرىلدى دەسەك تە بولادى. بيىل 544 ۇمىتكەرگە «بولاشاق» ستيپەندياسى تاعايىندالدى», – دەگەن ەدى ول.