قازاقستاندىق قور بيرجاسىنىڭ (KASE) حابارلاۋىنشا, Forte bank اق تاراتىلىپ, قايتا ۇيىمداستىرىلدى.
قور بيرجاسىنىڭ مالىمەتىنشە, قازاقستانداعى "تەمىربانك" اق مەن ABC Bank اق ءوز قىزمەتتەرىن توقتاتىپ, Forte bank اق قۇرامىنا ەندى.
قازاقستان رەسپۋبليكاسى ادىلەت مينيسترلىگى "زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ تۋرالى" قر زاڭىنىڭ 6-3, 19-شى بابىن باسشىلىققا الا وتىرىپ "تەمىربانك" اق مەن ABC Bank اق قىزمەتتەرىن توقتاتۋ تۋرالى بۇيرىق شىعاردى.
"زاڭدى تۇلعالاردىڭ قىزمەتتەرىن توقتاتىلۋىن تىركەۋ تۋرالى مالىمەتتەردى "زاڭدى تۇلعالار" مەملەكەتتىك دەرەك قورىنىڭ بيزنەس سايكەستەندىرۋ ءنومىرى ۇلتتىق رەەستىرىنە ەنگىزىلسىن," - دەلىنگەن بۇيرىقتا.