ەلىمىزدە العاشقى كاسىپكەرلىك قوزعالىستىڭ قالاي قالىپتاسقانى كوز الدىمىزدان ءوتتى دەسەك, ارتىق ايتقاندىق بولماس. شىنىن ايتقاندا, ول قىتايدىڭ الا سومكەسىن ارقالاۋدان باستالعان بولاتىن. سول كەزدە قىتاي مەن تۇركيادان, رەسەيدەن تاۋارلاردى كوبىنەسە ايەلدەر تاسىمالدايتىن. قازىر ەندى وسى كورىنىس ساپ تىيىلدى. نەگە؟ سەبەبى, ءوز ەلىمىزدە دە جاقسى تاۋارلار شىعارىلا باستادى. ءبىر استانانىڭ وزىندە قانشاما شاعىن كاسىپكەرلىك سۋبەكتىلەرى ومىرگە كەلىپ, حالىق ءۇشىن قاجەتتى زاتتاردى وندىرۋدە. ماسەلەن, «سيتتسەۆىي راي» جك توسەك جابدىقتارىن, «ULPA» جك ماتراستار, «شورتاندى شۇجىقتارى» جشس شۇجىق ونىمدەرىن, «شۋجين» جك جارما ونىمدەرىن شىعارسا, «Vesta» تىگىن سالونى» جشس, «KZline» جشس, «بايقادام سەرۆيس» سەكىلدى فيرمالار ءتۇرلى ءساندى كيىمدەر تىگىپ, تۇتىنۋشىلار العىسىنا بولەنىپ ءجۇر. ءبىر كەزدەرى مەكەمەلەر مەن حالىققا دەزينفەكتسيالىق قىزمەت كورسەتەتىن «قازاقستان مەددەز» جشس بۇل كۇندەرى وسى قىزمەتپەن قاتار مەديتسينا سالاسىندا كوپتەگەن گيگيەنالىق زاتتار شىعاراتىن بولدى. قازىرگى كۇنى بۇلاردىڭ بارلىعى «حالىق ماركاسى» بايقاۋىنا قاتىسىپ, ءوز ونىمدەرىنىڭ وتىمدىلىگىن تۇتىنۋشىلار اراسىندا سىنعا سالۋدا. تۇتىنۋشى حالىقتان كىم كوپ داۋىس الادى, سول جۇزدەن جۇيرىك اتانىپ, ءوز بيزنەستەرىن ودان ءارى كەڭەيتە تۇسۋگە مۇمكىندىك الادى. ياعني تانىمالدىعىن ارتتىرا تۇسەدى. دەمەك, شاعىن جانە ورتا كاسىپكەرلەر اراسىندا ەندى ساپا ءۇشىن, برەندتىك اتاق ءۇشىن كۇرەس باستالىپ وتىر. وسىنىڭ بارلىعى ەلىمىزدەگى كاسىپكەرلىك قوزعالىستىڭ كەڭىنەن قانات جايعاندىعىنىڭ دالەلى. ارينە, ءبارىن بىردەي جازۋ مۇمكىن ەمەس. سوندىقتان ءبىز وسى ماقالامىزدا ارشالى اۋدانىنىڭ استانا ىرگەسىندە تۇرعان جىبەك جولى كەنتىندە جۇمىس ىستەيتىن ء«جاميلا» جشس-ءىنىڭ عانا جۇمىسىنا توقتالىپ وتەيىك. بۇل سەرىكتەستىكتىڭ قۇرىلعانىنا كوپ ۋاقىت وتە قويعان جوق. ونىڭ ءتۇرلى جيھازدار شىعاراتىن فابريكاسى وسىدان ەكى-ءۇش جىلداي ۋاقىت بۇرىن عانا «بيزنەستىڭ جول كارتاسى-2020» باعدارلاماسىنىڭ كومەگىمەن اتالعان اۋىلدان بوي كوتەرگەن بولاتىن. بۇل فابريكا ءبىر ايدىڭ ىشىندە 15 مىڭ ءتۇرلى جيھاز شىعارۋعا قابىلەتتى. بۇگىنگى كۇنى ء«جاميلانىڭ» ونىمدەرى استانا نارىعىن كەڭىنەن جاۋلاي باستادى. سەبەبى, شىعارعان ونىمدەرىنىڭ باعالارى ارزان. ماسەلەن مەكتەپ وقۋشىسىنىڭ ۇستەلى مەن ورىندىعىنان تۇراتىن جيىنتىق ءونىمنىڭ باعاسى 8 مىڭ تەڭگەنىڭ ارعى جاق-بەرگى جاعىندا. مۇنداي ساپالى دا ارزان ءونىمدى قازىر قاي جەردەن تابا الاسىز؟ سوندىقتان قازىر فابريكا ونىمدەرىمەن تانىس ءبىراز جۇرت ء«جاميلانىڭ جيھازدارى-اي» دەپ تامساناتىن بولىپ ءجۇر. اسىرەسە, ونىڭ وفيستەرگە ارنالعان ءتۇرلى جيھازدارى, كيىم ىلگىشتەرى ساندىلىگىمەن كوز تارتادى. سەرىكتەستىك باسشىسى ەرتاي قالياقپەروۆتىڭ ايتۋىنا قاراعاندا, بۇل ءوندىرىس ورنى دا العاشقى قىزمەتىن ساۋدا سالاسىنان باستاعان سەكىلدى. وسىلايشا بىرقاتار جىلدار بويى حالىققا قىزمەت كورسەتە كەلە ءوزى ورنالاسقان وڭىردەگى رىنوك جايىن جاقسى مەڭگەرگەن. سونان كەيىن ءوز ونىمدەرىمىزدى شىعارساق دەگەن وي پايدا بولعان. وسى يدەيانى العا جىلجىتۋ ءۇشىن سەنىمدى ارىپتەس ىزدەگەندە تاڭداۋ الماتىنىڭ «Zeta» وندىرىستىك كومپانياسىنا ءتۇسىپتى. سەبەبى, ء«جاميلا» سەرىكتەستىگى ءبىراز جىلدار بويى وسى كومپانيانىڭ ونىمدەرىن ساۋدالاپ, ونىڭ وتىمدىلىگىن اڭعارعان. ءسويتىپ وتاندىق رىنوكتىڭ ەڭ الدىڭعى قاتارلى كومپانيالارىنىڭ ءبىرى «Zeta»-مەن ارىپتەستىك قاتىناسقا سۇيەنگەن ء«جاميلا» ءوزىنىڭ ءوندىرىس سالاسىنداعى العاشقى قادامدارىن سەنىممەن ارشىنداي باستادى. تەك وتكەن جىلدىڭ وزىندە عانا 33 ميلليون تەڭگەنىڭ 157 جاڭا دۇنيەسىن شىعارىلۋى ونىڭ العاشقى قادامدارىنىڭ ءوزى ساتتىلىكپەن باستالعاندىعىن بىلدىرەدى. ويتكەنى, ء«جاميلا» قازىرگى كۇنى ءوز تاۋارلارىمەن قاتار اتالعان الىپ كومپانيانىڭ ونىمدەرىن دە ساۋدالاپ, ەكىجاقتى ءتيىمدى قاتىناسقا جاقسى دەمەۋ بولىپ ءجۇر. سەرىكتەستىكتە قازىرگى كۇنى 130-عا تارتا ادام ەڭبەك ەتەدى. استانانىڭ ىرگەسىندە ورنالاسقان اۋىلدان وسىنشاما جۇمىس ورنىنىڭ اشىلۋىنىڭ ءوزى حالىق ءۇشىن جاقسى قولداۋ ەكەنى انىق. الداعى ۋاقىتتا سەرىكتەستىك وزىندە ەڭبەك ەتەتىندەردىڭ سانىن 200-گە دەيىن جەتكىزبەك. جاڭا ونىمدەر شىعارۋدى يگەرمەك. سەرىكتەستىك قازىرگى كۇنى ەلىمىزدەگى برەندتىك تاۋارلاردى انىقتاۋ جونىندەگى «حالىق ماركاسى» بايقاۋىنا قاتىسۋدا. بۇل بايقاۋدىڭ جەڭىمپازدارىن ونلاين داۋىس بەرۋ ارقىلى تۇتىنۋشى حالىقتىڭ ءوزى انىقتايتىن بولادى. ەگەر ء«جاميلا» شىعاراتىن بۇيىمدار تۇرىنە توقتالا كەتسەك, ولاردىڭ قاتارىندا وفيستىك كورپۋستىق جيھازدار, ۇستەلدەر مەن ورىندىقتار, ءارتۇرلى ىڭعايلى دا ءساندى كرەسلولار, وتقا جانبايتىن شكافتار, كيىم ىلگىشتەر, قۇندى قۇجاتتار مەن اقشا قاراجاتىن ساقتاۋعا ارنالعان سەيفتەر بار. سەرىكتەستىك ارناۋلى تاپسىرىس بويىنشا مەديتسينالىق كابينەتتەرگە ارنالعان ءتۇرلى قۇرال-جابدىقتاردى دا شىعارا الادى. جالپى الداعى ۋاقىتتا وزدەرىندە شىعارىلاتىن جيھازدار ءتۇرىن 180-گە دەيىن جەتكىزۋدى كوزدەپ وتىر. سۇڭعات ءالىپباي, «ەگەمەن قازاقستان».