2017 جىلى الەمدەگى ەڭ ۇلكەن قاتەر رەتىندە ەۋروپاداعى سايلاۋ, دونالد ترامپتىڭ سىرتقى ساياساتى مەن "جاھاندىق كيبەرسوعىس" اتالدى. بۇل تۋرالى الەمدەگى ەڭ بەدەلدى 146 ساراپشى مەن ەكونوميستەر اراسىندا جۇرگىزىلگەن ساۋالناما بارىسىندا بەلگىلى بولدى, دەپ حابارلايدى ربك.
ساۋالناماعا قاتىسقانداردىڭ باسىم بولىگى (85 پايىزعا جۋىعى) ەۋروپاداعى كەلەر جىلعا بەلگىلىنگەن سايلاۋلاردىڭ (گەرمانياداعى پارلامەنتتىك سايلاۋ مەن فرانتسياداعى پرەزيدەنتتىك سايلاۋ) الەم ەكونوميكاسىنا اسەر ەتەتىنىن ايتقان. ال دونالد ترامپتىڭ سىرتقى ساياساتىنىڭ قالاي ءوربيتىنى ساراپشىلار ءۇشىن ماڭىزدىلىعى جاعىنان ەكىنشى ورىندا ەكەن.
ءۇشىنشى قاتەر رەتىندە رەسپوندەنتتەر رەسەي پرەزيدەنتىنىڭ سىرتقى ساياساتى, بريتانيانىڭ ەۋرووداقتان شىعۋى مەن "جاھاندىق كيبەرسوعىستى" اتايدى. سونىمەن قاتار قىتايداعى بيلىكتىڭ وزگەرۋى دە كوپشىلىكتى الاڭداتاتىن كورىنەدى.