2016 جىلعى 30 قاراشادا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ جانە كەدەندىك اكىمشىلەندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى, دەپ حابارلايدى ۇلتتىق بانك.
ۇلتتىق بانكتىڭ باستاماسى بويىنشا زاڭدا ۇلتتىق بانك باسقارماسىنىڭ 2015 جىلعى 24 ساۋىردەگى № 69 قاۋلىسىمەن بەكىتىلگەن يپوتەكالىق تۇرعىن ءۇي قارىزدارىن/يپوتەكالىق قارىزداردى قايتا قارجىلاندىرۋ باعدارلاماسى شەڭبەرىندە قارىزدارى قايتا قارجىلاندىرىلۋعا جاتاتىن قارىز الۋشىلارعا كومەك كورسەتۋگە باعىتتالعان تۇزەتۋلەر كوزدەلگەن.
ماسەلەن, قارىز الۋشى جەكە تۇلعالار باعدارلامانىڭ قولدانىلۋى كەزەڭىندە بانكتەر, يپوتەكالىق ۇيىمدار (ونىڭ ىشىندە ليتسەنزيانى ەرىكتى تۇردە قايتارعاندار) مىنالار:
- نەگىزگى بورىشقا كاپيتالداندىرىلعان سىياقى, كوميسسيالىق اقى, تۇراقسىزدىق ايىبى ء(وسىمپۇل, ايىپپۇل);
- ەسەپتەلگەن, بىراق تولەنبەگەن سىياقى, كوميسسيالىق اقى, تۇراقسىزدىق ايىبى ء(وسىمپۇل, ايىپپۇل);
- ۆاليۋتالىق قارىزدى 2015 جىلعى 18 تامىزداعى باعام بويىنشا قايتا قارجىلاندىرۋ كەزىندە پايدا بولعان باعامدىق ايىرما;
- حالىقتىڭ الەۋمەتتىك وسال توپتارىنا جاتاتىن قارىز الۋشىنىڭ قارىزى بويىنشا سوتقا قۋىنىم بەرگەن كەزدە بانك نەمەسە يپوتەكالىق ۇيىم تولەگەن مەملەكەتتىك باج بويىنشا بەرەشەكتى كەشىرگەن كەزدە جەكە تابىس سالىعىن تولەۋدەن بوساتىلادى.
وسى تۇزەتۋلەر باعدارلامانى ءتيىمدى ىسكە اسىرۋعا جانە پروبلەمالىق قارىز الۋشىلاردىڭ بارىنشا كوپ سانىن قامتۋعا مۇمكىندىك بەرەدى.
سونداي-اق زاڭدا قارجى سەكتورىنا سالىق سالۋ بويىنشا تۇزەتۋلەردىڭ جەكە بلوگى كوزدەلگەن.
باعدارلامانىڭ تالاپتارى بويىنشا قايتا قارجىلاندىرۋعا قارىز الۋشىلار بانكتەردەن (يپوتەكالىق ۇيىمداردان) 2004 - 2009 جىلدار ارالىعى كەزەڭىندە العان, بەرەشەك قالدىعى 2015 جىلعى 1 قاڭتاردا 36,5 ملن.تەڭگەدەن اسپايتىن يپوتەكالىق تۇرعىن ءۇي قارىزدارى/يپوتەكالىق قارىزدار جاتاتىندىعىن ەسكە سالامىز. باعدارلامانى ىسكە اسىرۋ ءۇشىن بولىنگەن اقشانى يگەرۋ كەزەڭى 2017 جىلعى 1 ساۋىردە اياقتالادى, وسىعان بايلانىستى قارىز الۋشىلار ءوز قارىزدارىن قايتا قارجىلاندىرۋ ءۇشىن بانكتەرگە وتىنىشتەر مەن قۇجاتتارىن بەرۋدى تەزدەتۋ قاجەت.
2016 جىلعى 1 جەلتوقسانداعى جاعداي بويىنشا باعدارلاما بويىنشا بانكتەرگە (يپوتەكالىق ۇيىمدارعا) 26 مىڭنان اسا ءوتىنىش بەرىلدى. قايتا قارجىلاندىرۋ تۋرالى وڭ شەشىم 19 306 ءوتىنىش بويىنشا 117,3 ملرد. تەڭگە سوماعا قابىلداندى, 17 050 ءوتىنىش بويىنشا قارىز 94,0 ملرد. تەڭگە جالپى سوماعا قايتا قارجىلاندىرىلدى.