قر ۇلتتىق بانكىنىڭ 2017 جىلعا ارنالعان باستى ماقساتى – باعا تۇراقتىلىعى, دەپ حابارلايدى ۇلتتىق بانك ۆەدومستۆو باسشىسىنىڭ سوزىنە سىلتەمە جاساپ.
«بۇگىن ءوزىمىزدىڭ ينتەرنەت-رەسۋرسىمىزدا 2017 جىلعا ارنالعان اقشا-كرەديت ساياساتىنىڭ نەگىزگى باعىتتارىن جاريالادىق. نەگىزگى ماقسات – باعا تۇراقتىلىعى», دەپ حابارلادى قازاقستان ۇلتتىق بانكىنىڭ توراعاسى دانيار اقىشەۆ جۋرناليستەرگە 2016 جىلدىڭ الدىن الا قورىتىندىلارىنا ارنالعان ءباسپاسوز ءماسليحاتىندا.
«ءبىز 2017 جىلعا ينفلياتسيا بويىنشا نىسانالى ءدالىزدى 6-8% مولشەرىندە ساقتايمىز, ال بولاشاقتا 2020 جىلعا قاراي ونى 4%-دان تومەن دەڭگەيگە دەيىن تومەندەتۋدى جوسپارلاپ وتىرمىز», – دەدى د. اقىشەۆ.
ۇلتتىق بانك بۇدان ءارى دە ينفلياتسيالىق تارگەتتەۋ ساياساتىن ۇستانادى.
«ءبىز ءتيىمدى پايىزدىق ارنانىڭ تيىمدىلىگىن ارتتىرۋ جانە بازالىق مولشەرلەمەنىڭ ءرولىن كۇشەيتۋ بويىنشا شارالاردى ىسكە اسىرۋدى جالعاستىرامىز. بۇدان باسقا, اقشا-كرەديت ساياساتىنىڭ جەكەلەگەن قۇرالدارىنىڭ ءرولىن ناقتىلاۋ جوسپارلانىپ وتىر», – دەدى قر ۇب باسشىسى.
سونىمەن قوسا, ول 2017 جىلى «كىرىستىلىكتىڭ تاۋەكەلسىز قيسىعىن قالىپتاستىرۋ بويىنشا جۇمىس جالعاسادى, ول پايىزدىق مولشەرلەمەلەر بويىنشا نارىقتىق كۇتۋلەردىڭ ينديكاتورى بولىپ تابىلادى» دەپ اتاپ ءوتتى.
ۇلتتىق بانك ەركىن وزگەرمەلى ايىرباستاۋ باعامى رەجىمىن دە ساقتايدى, وعان سايكەس تەڭگەنىڭ باعامى شەتەل ۆاليۋتاسىنىڭ سۇرانىسى مەن ۇسىنىسى اراسىنداعى اراقاتىناس ناتيجەسىندە ايقىندالادى.
"اقشانىڭ ەكونوميكاداعى بارابار قۇنىن كورسەتۋ ماقساتىندا رەسمي قايتا قارجىلاندىرۋ مولشەرلەمەسىن بازالىق مولشەرلەمەگە تەڭەستىرۋ 2017 جىلعا ارنالعان تاعى ءبىر شارا بولادى», – دەپ حابارلادى د. اقىشەۆ.
ۇلتتىق بانك سونىمەن بىرگە ۇلتتىق بانكتىڭ اشىقتىعىن ارتتىرۋ جانە كوممۋنيكاتسيالىق ساياساتىن جاقسارتۋ جونىندەگى جۇمىستى جالعاستىرادى.
«ترانسپارەنتتىلىكتىڭ ءتيىستى دەڭگەيىن قامتاماسىز ەتۋ قازاقستاندىقتاردىڭ ۇلتتىق بانككە دەگەن سەنىمىن ارتتىرۋعا, ينفلياتسيالىق جانە دەۆالۆاتسيالىق كۇتۋلەردى تومەندەتۋگە جانە اقشا-كرەديت ساياساتىن بارىنشا ءتيىمدى جۇرگىزۋگە مۇمكىندىك بەرەدى», – دەپ قورىتىندىلادى ۇلتتىق بانك توراعاسى