دەپوزيتكە تەڭگەمەن سالۋشىلار كوبەيىپ كەلە جاتىر

قازاقستانداعى دەپوزيت نارىعىندا تەڭگەنىڭ ۇلەسى ارتىپ كەلە جاتىر, دەپ حابارلايدى ۇلتتىق بانكتىڭ ءباسپاسوز قىزمەتى. «ءوتىپ بارا جاتقان جىلى ءبىز دەپوزيتتەر قۇرىلىمىنىڭ جاقسارۋىن بايقاپ وتىرمىز», - دەدى 2016 جىلعى قىزمەتتىڭ الدىن الا قورىتىندىلارىنا ارنالعان ءباسپاسوز كونفەرەنتسياسىندا قازاقستان ۇلتتىق بانكىنىڭ توراعاسى دانيار اقىشەۆ. «شەتەل ۆاليۋتاسىنداعى دەپوزيتتەردىڭ ۇلەسى ءالى دە جوعارى بولۋىنا قاراماستان, تومەندەۋ ءۇردىسى ايقىن», – دەپ اتاپ ءوتتى د. اقىشەۆ. قر ۇب دەرەكتەرى بويىنشا شەتەل ۆاليۋتاسىنداعى دەپوزيتتەر جىل باسىنان باستاپ 10%-عا تومەندەدى, ال تەڭگەمەن دەپوزيتتەر 60%-عا ءوستى. «ناتيجەسىندە دەپوزيتتەردى دوللارلاندىرۋ دەڭگەيى 2016 جىلعى قاڭتارداعى ەڭ جوعارعى 70% دەڭگەيدەن 2016 جىلعى قازاندا 55,7%-عا دەيىن تومەندەدى», – دەپ اتاپ ءوتتى ۇلتتىق بانك توراعاسى.