يندونەزيانىڭ اچەح پروۆينتسياسىندا جەر سىلكىنىپ, 620 ادام زارداپ شەكتى, دەپ حابارلايدى ريا نوۆوستي.
توتەنشە جاعدايلار بويىنشا ۇلتتىق باسقارما باسشىسى ۆيللەم رامپانگيلەي 97 ادام قايتىس بولىپ, 536 ادامنىڭ جاراقات العانىن حابارلادى.
انتارا اقپارات اگەنتتىگىنىڭ حابارلاۋىنشا, قاجەتتى رەسۋرستارعا قول جەتكىزۋ ءۇشىن توتەنشە جاعداي جاريالانعان. دۇمپۋلەر ءالى قايتالاناتىندىقتان, حالىق ءوز ۇيلەرىنە بارماي وتىر. سەبەبى العاشقى جەر سىلكىنىسىنەن كەيىن 100-دەن استام ءدۇمپۋ سەزىلگەن.
يندونەزيا پرەزيدەنتى دجوكو ۆيدودو كەشە بارلىق مينيسترلىكتەر مەن ۆەدومستۆولدارعا ءتيىستى تاپسىرمالار بەردى. بۇگىن ۆيتسە-پرەزيدەنت يۋسۋف كاللا ءوزى زارداپ شەككەن وڭىرلەردى ارالاپ, قۇتقارۋ شارالارىن باقىلايتىن بولادى دەپ جوسپارلانىپ وتىر.