جامبىل وبلىسى اكىمىنىڭ وكىمىمەن ابىلداەۆ تىلەۋحان شىلدەباي ۇلى وبلىستىق دەنساۋلىق ساقتاۋ باسقارماسىنىڭ باسشىسى بولىپ تاعايىندالدى, دەپ حابارلايدى قازاقپارات. تىلەۋحان ابىلداەۆ 1962 جىلى 6 قاراشادا جامبىل وبلىسىندا تۋعان. الماتى مەملەكەتتىك مەديتسينا ينستيتۋتىن بىتىرگەن. مەديتسينا عىلىمىنىڭ دوكتورى, پروفەسسور. ەڭبەك جولىن 1983 جىلى الماتى قالالىق №2 كلينيكالىق اۋرۋحانانىڭ مەديتسينا قىزمەتكەرى بولىپ باستاعان.
1985-1986 جىلدارى – جامبىل قالاسىندا ومك حيرۋرگ-ينتەرنى. 1986-1996 جىلدارى – تالاس واب حيرۋرگيا ءبولىمىنىڭ مەڭگەرۋشىسى, باس دارىگەرى. 1996-1999 جىلدارى – جامبىل وبلىستىق تۋبەركۋلەزگە قارسى ديسپانسەرىنىڭ باس دارىگەرى. 1999-2005 جىلدارى – جامبىل وبلىستىق دەنساۋلىق ساقتاۋ دەپارتامەنتىنىڭ باستىعى. 2005-2010 جىلدارى – جامبىل وبلىستىق تۋبەركۋلەزگە قارسى ديسپانسەرىنىڭ باس دارىگەرى. 2010 جىلدان باستاپ دەنساۋلىق ساقتاۋ مينيسترلىگىنىڭ مەديتسينالىق قىزمەتتەردى تولەۋ كوميتەتىنىڭ جامبىل وبلىسى بويىنشا دەپارتامەنتىنىڭ ديرەكتورى. 2010 جىلدان باستاپ «تۋبەركۋلەز ماسەلەلەرى ۇلتتىق ورتالىعىنىڭ» ديرەكتورى بولعان.