اقمولا وبلىسى, ستەپنوگور قالاسىنىڭ سپورت سارايىندا دزيۋدودان بوگەنباي باتىردى ەسكە الۋعا ارنالعان رەسپۋبليكالىق تۋرنير وتكىزىلدى. ەل تاۋەلسىزدىگىنىڭ 25 جىلدىعى قۇرمەتىندەگى بايراقتى باسەكەگە قازاقستان قالالارى مەن ايماقتارىنان 300-دەن استام جاسوسپىرىم سپورتشى قاتىستى.
ءداستۇرلى جارىس ءارتۇرلى اتاۋمەن بيىل 35-ءشى رەت ءوتكىزىلىپ وتىر. ەكى كۇنگە سوزىلعان كىلەم دوداسىندا ۇلدار – 8, قىزدار 2 سالماق دارەجەسىندە شەبەرلىكتەرىن سىنعا سالدى.
رەسپۋبليكالىق تۋرنيردىڭ جەڭىمپازدارى مەن جۇلدەگەرلەرىنە مەدالدار مەن گراموتالاردى, ەستەلىك كۋبوكتار مەن سىيلىقتاردى وڭىرگە اتى ءمالىم سپورت مايتالماندارى تابىس ەتتى. قالا اكىمى ءانۋار كۇمپەكەەۆ الەمدىك, قۇرلىقتىق جانە رەسپۋبليكالىق باسەكەلەردە وزا شاپقان بالۋانداردى دايىنداعان جەرگىلىكتى باپكەرلەرگە العىس حاتتار تاپسىردى.
باقبەرگەن امالبەك,
«ەگەمەن قازاقستان»
اقمولا وبلىسى