قازىرگى تاڭدا قازاقستانداعى ءىرى جانارماي بەكەتتەرى جەلىلەرىندە ديزەل وتىنىنىڭ ءليترى 135-136 تەڭگە بولىپ تۇر. ال اگرارشىلار ءۇشىن ليترىنە 122-128 تەڭگە دەڭگەيىندە باعا بەلگىلەنگەن بولاتىن.
سونىمەن بىرگە, «بەنزين (اۆياتسيالىق بەنزيندى قوسپاعاندا) مەن ديزەل وتىنىنا ارنالعان اكتسيز مولشەرلەمەلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2015 جىلعى 13 ناۋرىزداعى № 133 قاۋلىسىنا وزگەرىس ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 ناۋرىزداعى № 144 قاۋلىسىنا سايكەس 2017 جىلدىڭ 1 ماۋسىمىنان باستاپ ديزەل وتىنىن ساتۋعا اكتسيز مولشەرلەمەسى تونناسىنا 9300 تەڭگەنى قۇرايدى. اكتسيزدىڭ ۇلعايۋى ەسەبىنەن عانا كوتەرمە باعانىڭ ءوسۋى شامامەن ليترىنە 7,3 تەڭگەنى قۇرايدى, بۇل جقس (جانارماي قۇيۋ ستانتسيالارى) جەلىلەرىندەگى باعاعا اسەرىن تيگىزەدى.
ديزەل وتىنى مەن بەنزيننىڭ باعاسىن بىرتە-بىرتە تەڭەستىرۋ – نارىق تەندەنتسيالارىنىڭ ءبىرى. كوپتەگەن ەلدەردە ديزەل وتىنى مەن بەنزيننىڭ باعاسى بىردەي. مىسالى, كورشى رەسەيدە بۇل مۇناي ونىمدەرىنىڭ باعالارى ليترىنە 208-209 تەڭگەنى قۇرايدى.
سونىمەن قاتار, ءوندىرۋ مەن تۇتىنۋ كولەمدەرىنىڭ, قورلار ديناميكاسىنىڭ, قر نارىعىنداعى جانە رف يمپورتىنىڭ كوتەرمە باعالارىنىڭ وزگەرۋى كەلەشەكتە مۇناي ونىمدەرىنىڭ جەكەلەگەن تۇرلەرىنە بولشەك باعالاردىڭ وسۋىنە اسەر ەتۋى مۇمكىن.