جيىندى اشا وتىرىپ, قىزىلوردا وبلىسىنىڭ اكىمى قىرىمبەك كوشەرباەۆ شاعىن جانە ورتا بيزنەستى, ونىڭ ىشىندە ميكروكاسىپكەرلىكتى دامىتۋ ايماق ءۇشىن باسىم باعىت ەكەنىن اتاپ ءوتتى. ماسەلەن, وڭىرلىك كاسىپكەرلەر پالاتاسىمەن بىرلەسىپ جۇزەگە اسىرىلىپ جاتقان «ميكروبيزنەس-قىزىلوردا» جوباسى اياسىندا جالپى سوماسى 840 ملن تەڭگە بولاتىن 132 جوبا قارجىلاندىرىلىپ, 429 جاڭا جۇمىس ورىندارى اشىلدى. ال قارجىنىڭ قايتارىلۋى 100%-دى قۇرايدى.
بۇدان بولەك, قىزىلوردا وبلىسىنداعى جاپپاي كاسىپكەرلىكتى دامىتۋدىڭ بىرىڭعاي جول كارتاسى ازىرلەندى. جول كارتاسىن جاساۋداعى ماقسات – كاسىپكەرلىكتى قولداۋ شارالارىنا ارنالعان بارلىق باعدارلامالاردى ءتيىمدى جۇزەگە اسىرۋ ارقىلى جۇمىسسىزدار مەن ءوزىن-ءوزى جۇمىسپەن قامتۋشىلار اراسىندا جاڭا جۇمىس ورىندارىن قۇرۋ جانە كاسىپكەرلەر سانىن ارتتىرۋ.
ء«بىز ءاربىر سەلولىق وكرۋگ پەن اۋدان, قالا ء ۇشىن ەكونوميكانىڭ سالالارى بويىنشا بارلىق ينديكاتورلاردى وبلىس اكىمدىگىنىڭ احۋالدىق ورتالىعىنا جۇكتەدىك. وسى ارقىلى جاپپاي كاسىپكەرلىكتى دامىتۋدا اۋىل, اۋدان, قالا اكىمدەرىنىڭ, قارجى ينستيتۋتتارىنىڭ جانە مەملەكەتتىك ورگانداردىڭ جۇمىسىن اشىق قاداعالاي الامىز», دەدى ق.كوشەرباەۆ.
وڭىرلىك كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ شاعىن جانە ورتا بيزنەستى دامىتۋدا ايماقتا اتقارىلىپ جاتقان جۇمىستار تۋرالى جانە كاسىپكەرلەردىڭ قىزمەتىنە كەرى اسەر ەتىپ وتىرعان اكىمشىلىك كەدەرگىلەر تۋرالى باياندادى.
«اتامەكەن» ۇكپ تورالقا توراعاسى جيىندى قورىتىندىلاي كەلە, قىزىلوردا وبلىسىنداعى كاسىپكەرلىكتى دامىتۋ باعىتىندا اتقارىلىپ جاتقان جۇمىستارعا جوعارى باعاسىن بەردى.
ء«بىزدىڭ مىندەت بيزنەس پەن بيلىك اراسىندا ديالوگ ورناتۋ. قىزىلوردا وبلىسىندا بۇل جۇمىستار تولىعىمەن اتقارىلۋدا, ال كاسىپكەرلىكتى دامىتۋدا وبلىس اكىمدىگىنىڭ جۇرگىزىپ وتىرعان ءىس-شارالارى رەسپۋبليكادا وزىق تاجىريبە بولىپ سانالادى», دەپ اتاپ ءوتتى ت. ق ۇلىباەۆ.
«اتامەكەن» ۇكپ باسشىسى ەكونوميكانى جانە جەكە كاسىپكەرلىكتى دامىتۋعا قوسقان جەكە ۇلەسى ءۇشىن وبلىس اكىمى قىرىمبەك كوشەرباەۆتى پالاتانىڭ «ىسىنە ادالدىعى ءۇشىن» مەدالىمەن ماراپاتتادى.