كەشە ۇلتتىق قاۋىپسىزدىك كوميتەتى ىشكى ىستەر مينيسترلىگىمەن بىرلەسىپ, قىزىلوردا وبلىسى اۋماعىندا مۇناي جانە مۇناي ونىمدەرىن زاڭسىز ساتىپ الۋعا, تاسىمالداۋعا, ساقتاۋعا جانە ساتۋعا قاتىسى بار بىرنەشە قىلمىستىق توپ ارەكەتىنىڭ جولىن كەسۋ بويىنشا اۋقىمدى ارنايى وپەراتسيا باستادى, دەپ حابارلايدى ۇقك ءباسپاسوز قىزمەتى.
قىزىلوردا, تاراز جانە شىمكەنت قالالارىندا ۆەدومستۆوارالىق جەدەل-تەرگەۋ توپتارىنىڭ مۇشەلەرى ءبىر مەزگىلدە جوعارىدا اتالعان زاڭسىز ارەكەتتەرگە قاتىسى بار 8 ادامدى ۇستادى. ولاردىڭ تۇرعىلىقتى جەرلەرى بويىنشا جانە ولارعا ۇلەستەس كاسىپورىنداردا, ونىڭ ىشىندە «كايس-سەرۆيس» جشس-ىندا (قىزىلوردا قالاسى, اسفالت ءوندىرۋ زاۋىتى جانە مۇناي قۇيۋ تەرمينالى), «قاراماي ويل» جشس (تاراز قالاسى, مۇناي قۇيۋ تەرمينالى) 21 ءتىنتۋ ءىس-شاراسى جۇرگىزىلدى. قىلمىستىق مۇناي بيزنەسىن قولداۋشىلار قاتارىنان قر بپ ىقب وكىلدەرىمەن بىرگە قىزىلوردا كولىك پروكۋرورى ن. سەرىكباەۆ ۇستالدى. جەدەل-تەرگەۋ ءىس-شارالارى جالعاسۋدا.