9-شى جازعى ۋنيۆەرسيادانى اشۋ قۇرمەتىنە سولتۇستىكقازاقستاندىقتار يە بولدى. جۇزۋدەن باس تورەشى گۇلميرا كۇلداەۆانىڭ ايتۋىنا قاراعاندا, ءوزارا باسەكەلەستىك وتە كۇشتى. باعدارلاما بويىنشا 50, 100, 200 مەترلىك قاشىقتىقتاردا كرول, براسس, شالقالاي ءجۇزۋ, تاعى باسقا تۇرلەرىنەن جۇلدەلەر ساراپقا سالىناتىن بولادى.
العاشقى كۇنى پەتروپاۆلدىق تيمۋر حايروۆ 50 مەترگە ەركىن جۇزۋدەن الدىنا جان سالمادى. مىقتى كوماندالاردىڭ ءبىرى سانالاتىن ءال-فارابي اتىنداعى قازاق ۇلتتىق ۋنيۆەرسيتەتىنىڭ وكىلى, ازيا ويىندارىنىڭ بىرنەشە مارتە جەڭىمپازى ەلميرا ىبىرايىمنىڭ دا قارسىلاس شاق كەلتىرمەيتىن ءتۇرى بار.
«ستۋدەنتتەردىڭ جازعى ۋنيۆەرسياداسى 32 سپورت ءتۇرىن قامتىسا, پەتروپاۆلدا جۇزۋمەن قاتار پرەزيدەنتتىك كوپسايىس تا وتەدى. شىعىس قازاقستان وبلىسىنىڭ, تاراز, قوستاناي ۋنيۆەرسيتەتتەرى كوماندالارىنىڭ جاقسى دايىندىقپەن كەلگەنى بايقالادى», دەيدى م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى جانىنداعى «سۇڭقار» سپورت كلۋبىنىڭ جەتەكشىسى ەربول يساتاەۆ.
جارىس ەرتەڭ ءوز مارەسىنە جەتەدى.
ءومىر ەسقالي, «ەگەمەن قازاقستان»