جىل باسىنان بەرى تاسقالا اۋداندىق سوتىندا «قازاقستان رەسپۋبليكاسى تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» قر زاڭىنا سايكەس سوتتالعان 17 ادامعا قاتىستى جازاسىنان بوساتۋ جانە وتەلمەگەن مەرزىمىن قىسقارتۋ تۋرالى ۇسىنىستار قارالىپ, قاناعاتتاندىرىلدى, دەپ حابارلايدى «قازاقپارات».
اتالمىش زاڭنىڭ 2-بابى 1 جانە 2-بولىگىنە سايكەس ونشا اۋىر ەمەس, اۋىرلىعى ورتاشا قىلمىس جاساعان 11 ادامدى جازادان بوساتۋ تۋرالى قاۋلى شىعارىلدى.
زاڭنىڭ 4-بابى 1-بولىگى 1, 2, 4-تارماقتارى نەگىزىندە اۋىر قىلمىس جاساعان كامەلەتكە تولماعان بالالارى بار ەكى جانە 55 جاستاعى ءبىر ايەلگە, سونداي-اق, ءبىر جاسوسپىرىمگە قاتىستى جازالارىنىڭ وتەلمەگەن بولىگىنىڭ تەڭ جارتىسى قىسقارتىلدى. وعان قوسا زاڭنىڭ 4-بابى 2-بولىگىنە سايكەس اۋىر قىلمىس جاساعان ەكى ادامنىڭ جازاسىنىڭ وتەلمەگەن بولىگىنىڭ تورتتەن ءبىرىن قىسقارتۋ تۋرالى قاۋلى شىعارىلدى.