قاراعاندى وبلىسى بويىنشا تج دەپارتامەنتى وڭىردەگى اۋا-رايىنىڭ كۇرت وزگەرەتىندىگىن ەسكەرتەدى.
«17-19 مامىر ارالىعىندا وبلىستىڭ اسىرەسە سولتۇستىك جانە ورتالىق اۋداندارىندا -5 گرادۋسقا دەيىن سۋىق بولادى دەپ كۇتىلۋدە. تۇرعىنداردىڭ اۋا-رايى وزگەرىستەرى جايلى اقپاراتتى باقىلاپ, ساق بولۋعا, بالالاردى قاراۋسىز قالدىرماي, كۇن رايىنا قاراي كيىنۋگە كەڭەس بەرىلەدى. بۇدان وزگە, تۇنگى ۋاقىتتاردا جانە اۋا-رايى سۋىتقان جاعدايدا الىس ساپارلارعا شىقپاۋ كەرەكتىگى ەسكەرتىلەدى», دەپ حابارلايدى تج دەپارتامەنتى.
سونداي-اق, تج كوميتەتى ەلىمىزدىڭ باسقا دا ءتورت اۋداندارىندا اۋا تەمپەراتۋراسىنىڭ كۇرت تومەندەۋىن الدىن الا ەسكەرتەدى. تج كوميتەتىنىڭ حابارلاۋىنشا, 16-17 مامىر كۇندەرى تۇنگى ۋاقىتتاردا سولتۇستىك قازاقستان جانە پاۆلودار وبلىستارىندا, 17 مامىر كۇنى تۇندە اقمولا جانە قوستاناي وبلىستارىنىڭ كەي جەرلەرىندە اۋا تەمپەراتۋراسى 3 گرادۋسقا دەيىن تومەندەيدى دەپ كۇتىلۋدە.