كەشە رەسەيدىڭ تۇمەن وبلىسىنان قارعىن سۋدان قيىندىققا دۋشار بولعان پەتروپاۆل قالاسىنىڭ تۇرعىندارىنا 8 توننا گۋمانيتارلىق جۇك كەلدى.
قايىرىمدىلىق اكتسياسىن تۇمەندە تۇراتىن قانداستارىمىزدىڭ ۇلتتىق-مادەني اۆتونومياسى ۇيىمداستىردى. اۆتونوميا توراعاسى ەسەنعالي يبراەۆتىڭ ايتۋىنشا, ونداعان كاسىپكەرلەر قارجىلاي, زاتتاي قول ۇشىن بەرىپ, دوستىق قۇشاقتارىن ايقارا اشقان. ولاردىڭ قاتارىندا ەرگەن توبىلجانوۆ, گايدان مۋرزانوۆ, ارتۋر گاراەۆ, نيكولاي مامنونتوۆ سەكىلدى مەتسەناتتار بار.
«تۇمەن وبلىسىنىڭ يشيم قالاسىنىڭ ءبىر بولىگىن تاسقىن سۋ جايلاعاندا, سولتۇستىكقازاقستاندىقتار بەي-جاي قالماعان بولاتىن. جاقسىلىقتىڭ قايتارىمى رەتىندە يشيم كونديتەر فابريكاسىنىڭ ۇجىمى دا قايىرىمدىلىق شاراعا قىزۋ ءۇن قوسىپ, ازىق-ت ۇلىك تاعامدارىن بەرىپ جىبەردى», دەيدى ارنايى دەلەگاتسيانى باستاپ كەلگەن قاينىش قۇسايىنوۆا.
ءومىر ەسقالي, «ەگەمەن قازاقستان»