تۇتىنۋ باعالارىنىڭ يندەكسى 2017 جىلعى ساۋىردە وتكەن ايدىڭ دەڭگەيىندە (2017 جىلعى ناۋرىزدا – 0,5%) قالىپتاسىپ, وتكەن ايعا قاراعاندا 0,5%-عا كوتەرىلدى. بۇل رەتتە ساۋىردە بازالىق ينفلياتسيا كورسەتكىشتەرىنىڭ 0,4%-دان 0,3%-عا دەيىن, جىلدىق كورسەتكىش بويىنشا 7,7%-دان 7,2%-عا دەيىن تومەندەۋى جالعاستى, بۇل ماۋسىمدىق كۇيزەلىستەردى قوسا العاندا, قىسقا مەرزىمدى كۇيزەلىستەردى ەسەپتەمەگەندە ينفلياتسيانىڭ تومەندەۋ تراەكتورياسىنىڭ جالعاسىپ جاتقانىن بىلدىرەدى.
ينفلياتسيالىق پروتسەستەر ەكونوميكانىڭ بىرتىندەپ قالىپقا كەلۋىنىڭ, حالىقتىڭ ناقتى كىرىسى ءوسۋىنىڭ, تۇتىنۋشىلىق سۇرانىستىڭ جاندانۋىنىڭ اسەر ەتۋىمەن, بۇل رەتتە باعا دەڭگەيىنە ايتارلىقتاي قىسىم جاساماي قالىپتاسۋى جالعاسۋدا. سونىمەن بىرگە, ەكونوميكانىڭ جەكەلەگەن سالالارىنداعى شىعاسىلاردىڭ بارىنشا جوعارى دەڭگەيى, جىل باسىنان بەرى سىرتقى نارىقتارعا تاۋارلاردىڭ بايقالىپ وتىرعان اكەتىلۋى, وڭىرلەردەگى ينفلياتسيالىق پروتسەستەردىڭ تەپە-تەڭ دامىماۋى, اۋا-رايى جاعدايى ينفلياتسياعا اسەر ەتۋىن جالعاستىرۋدا.
ساۋىردە حالىق اراسىندا ينفلياتسيالىق كۇتۋلەردى باعالاۋ بويىنشا جۇرگىزىلگەن پىكىرتەرىمنىڭ ناتيجەلەرى بويىنشا قابىلداناتىن جىلدىق ينفلياتسيا جانە وتكەن ايداعى ينفلياتسيا تۇراقتى دەڭگەيدە بولىپ وتىر. پىكىرتەرىمگە قاتىسۋشىلار ينفلياتسيانىڭ نەگىزگى كوزى رەتىندە تاماق ونىمدەرى باعاسىنىڭ ءوسۋىن اتاپ وتەدى.
ساۋىردە كەلەسى ايدا باعا ءوسۋى بويىنشا كۇتۋلەر ناۋرىزبەن سالىستىرعاندا شامامەن تومەندەدى. رەسپوندەنتتەردىڭ 53%-ى 2017 جىلعى مامىردا باعا ءوسۋىن كۇتۋدە, ولاردىڭ كوپشىلىگى باعا ازداپ وسەدى دەپ بولجايدى.
حالىقتىڭ كەلەسى 12 ايدا باعا وسۋىنە قاتىستى كۇتۋلەرى ناۋرىزبەن سالىستىرعاندا شامامەن ءوستى. ءبىر جىلدان كەيىن ينفلياتسيانىڭ دەڭگەيىن 10%-دان جوعارى باعالايتىنداردىڭ ۇلەسى ءبىرشاما وسۋىنە قاراماستان, باعا وسىمىنە 10%-دان كەم باعالايتىنداردىڭ ۇلەسى پىكىرتەرىم وتكىزۋدىڭ باسىنان بەرى (2016 جىلعى قاڭتار) جوعارعى دەڭگەيدە تۇر. بولاشاقتاعى ينفلياتسيانى 6-10%-دىق ارالىقتا باعالايتىنداردىڭ ۇلەسى 23%-دان 28%-عا دەيىن وسكەنىن اتاپ ەرەكشە وتكەن ءجون.
2017 جىلعى ساۋىردە كۆانتيفيكاتسيانىڭ ىقتيمالدىلىق ءادىسىنىڭ كومەگىمەن ەسەپتەلگەن ينفلياتسيالىق كۇتۋلەر كەيبىر ۇلعايتۋلارعا قاراماستان جەتكىلىكتى تۇردە تۇراقتى بولىپ قالىپ وتىر. ماسەلەن, سۇراۋ سالۋدىڭ ناتيجەلەرى بويىنشا ءبىر جىل بۇرىن ينفلياتسيانى ساندىق باعالاۋ 2017 جىلعى ناۋرىزبەن سالىستىرعاندا 0,3 پ.ت. ۇلعايىپ, 6,4%-دى قۇرادى جانە 2018 جىلعا 5-7% نىسانالى ءدالىز ىشىندە تۇر.