القالى جيىندى ۋنيۆەرسيتەت رەكتورى سەرىك ومىرباەۆ كىرىسپە سوزبەن اشىپ, ەلىمىزبەن قاتار قىتايدان, رەسەيدەن, قىرعىزستاننان جۋرناليستيكانىڭ وزەكتى پروبلەمالارىن قوزعايتىن باياندامالاردىڭ كەلىپ تۇسكەنىن جەتكىزدى.
بەلگىلى عالىم زارقىن سىزدىق ۇلى جيىرماعا جۋىق وقۋلىقتار مەن مونوگرافيالاردىڭ اۆتورى. ابىلاي حانعا, ابايعا, ماعجانعا, قىزىلجار ولكەسىنە قاتىستى سۇبەلى ەڭبەكتەرى دەرەكتەر مەن ماعلۇماتتارعا باي. ول نەگىزىن قالاعان جەرگىلىكتى جۋرناليستيكا بولىمىنەن 100-گە تارتا جۋرناليستەر مەن ماگيسترلەر قاناتتانىپ ۇشتى. جۋرناليستيكا كافەدراسىنىڭ قۇرىلۋىنا ۇيىتقى بولدى.
القالى باسقوسۋدا «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەدتىڭ, ءبىلىم جانە عىلىم ءمينيسترى ەرلان ساعاديەۆتىڭ, مادەنيەت جانە سپورت ءمينيسترى ارىستانبەك مۇحامەدي ۇلىنىڭ, سولتۇستىك قازاقستان وبلىسىنىڭ اكىمى قۇمار اقساقالوۆتىڭ, قاراعاندى وبلىسىنىڭ اكىمى ەرلان قوشانوۆتىڭ, پارلامەنت ءماجىلىسى دەپۋتاتتارىنىڭ قۇتتىقتاۋ حاتتارى وقىلدى.
قاراعاندى وبلىسىنىڭ دەلەگاتسياسىن باستاپ كەلگەن وبلىستىق «ورتالىق قازاقستان» گازەتىنىڭ باس رەداكتورى ماعاۋيا سەمباي جەرلەستەرى اتىنان شاپان جاۋىپ, ارعىماق مىنگىزدى. الماتى, استانا, پاۆلودار, كوكشەتاۋ, قوستاناي وبلىستارىنان كەلگەن وكىلدەر دە ۇلكەن قۇرمەت كورسەتتى.
پلەنارلىق ماجىلىستە باياندامالار وقىلىپ, جان-جاقتى وي-پىكىرلەر ايتىلدى.
«اتادان اسىل امانات» جانە «بابادان قالعان بايتاعىم» ەكى تومدىق جيناقتارىنىڭ تۇساۋكەسەرى ءوتتى.
ءومىر ەسقالي, «ەگەمەن قازاقستان»